Usimbaji wa data

Usimbaji wa data ni mchakato wa kubadilisha taarifa kutoka muundo mmoja wa uwakilishi hadi mwingine, mara nyingi kwa lengo la kuwezesha uhifadhi, uwasilishaji, au usindikaji bora wa taarifa hizo. Usimbaji hutumika katika kompyuta, mawasiliano ya kidijitali, faili za sauti, picha, na video.

Msimbo wa Morse.

Kuna aina mbalimbali za usimbaji wa data kulingana na madhumuni yake:

• Usimbaji wa herufi (character encoding): Hubadilisha herufi kuwa namba zinazoeleweka na mashine. Mfano ni ASCII, UTF-8, na Unicode.
• Usimbaji wa maudhui (content encoding): Hutumika kubana au kulinda data. Mfano ni Base64, au gzip.
• Usimbaji wa sauti au picha (media encoding): Hutumika kubadilisha sauti au video kuwa muundo wa kidijitali kama MP3, JPEG, MPEG-4, n.k.
• Usimbaji wa ishara (line encoding): Hutumika katika mawasiliano ya data ili kuwakilisha biti kwenye njia za mawasiliano, kama vile NRZ, Manchester encoding, au 4B/5B.

Usimbaji wa data ni muhimu kwa usalama, ufanisi, na uoanifu wa mifumo ya habari. Kwa mfano, kutuma barua pepe yenye picha au faili hutegemea usimbaji wa data ili kuhakikisha kuwa faili inaweza kusomwa kwa usahihi na mpokeaji hata ikiwa anatumiwa mfumo tofauti.

Marejeo

• IBM – Character Encoding (Kiingereza)
• Tanenbaum, A. S. & Wetherall, D. J. (2010). "Computer Networks". Pearson. (Kiingereza)
• Kahigi, K. K. (2007). Ujanibishaji wa Office 2003 na Windows XP kwa Kiswahili Sanifu. Kioo cha Lugha (Kiswahili)