எடோர்ட் லூயிசு டுரோசார்ட்
From Wikipedia, the free encyclopedia
எடோர்ட் லூயிசு டுரோசார்ட் (Édouard Louis Trouessart) (25 ஆகஸ்ட் 1842 - 30 ஜூன் 1927) ஆங்கர்சில் பிறந்த பிரான்சு விலங்கியலாளர் ஆவார்.
இவர் ஸ்தொராஸ்பூர்க்கில் இராணுவ மருத்துவம் பயின்றார். ஆனால் கடுமையான உடல்நலப் பிரச்சினைகள் காரணமாகப் பள்ளியை விட்டு வெளியேற வேண்டிய கட்டாயம் ஏற்பட்டது. 1864ஆம் ஆண்டில் போய்ட்டியர்ஸ் பீடத்தில் ப்ராபரேட்டூர் டி பிசிக் ஆக வேலையைத் தொடங்கினார், இந்த பணியின்போது, தனது நேரத்தையும் ஆற்றலையும் இயற்கை வரலாற்று ஆய்விற்கு அர்ப்பணித்தார். 1870ஆம் ஆண்டில் மருத்துவ முனைவர் பட்டம் பெற்ற இவர் மருத்துவத்தில் தனது படிப்பை மீண்டும் தொடங்கினார். பிராங்கோ-பிரஷ்யன் போரின் போது, இவர் பிரான்சு இராணுவத்தில் பணியாற்றினார். பின்னர், வில்லெவிக் மருத்துவமனையில் பணிபுரிந்தார்.
1882 முதல் 1884 வரை, இவர் ஆங்கர்சு அருங்காட்சியகத்தில் இயக்குநராக இருந்தார், இதற்கிடையில் ஆங்கர்சில் உள்ள உயர்நிலைப் பள்ளியில் இயற்கை வரலாற்று வகுப்புகள் கற்பித்தல் பணியினை செய்தார். 1885ஆம் ஆண்டில் பாரிஸுக்கு இடம் பெயர்ந்தார். அங்கு அல்போன்ஸ் மில்னே-எட்வர்ட்டுடன் (1835-1900) பணியாற்றினார். எமிலி ஓஸ்டலெட் (1844-1905) இறந்த பிறகு, இவர் விலங்கியல் (பாலூட்டிகள் மற்றும் பறவைகள்) தலைவர் பதவியினைப் பெற்றார். இதில் இவர் 1926வரை பணியாற்றினார்.