கோம்பாக் மாவட்டம்
மலேசியாவின் சிலாங்கூர் மாநிலத்தில் உள்ள மாவட்டம் / From Wikipedia, the free encyclopedia
கோம்பாக் மாவட்டம் என்பது (மலாய்: Daerah Gombak; ஆங்கிலம்: Gombak District; சீனம்: 鹅唛县) மலேசியா, சிலாங்கூர் மாநிலத்தில் உள்ள ஒரு மாவட்டம். இந்த மாவட்டத்திற்கு தென்கிழக்கில் மலேசியத் தலைநகரமான கோலாலம்பூர்; கிழக்கில் கெந்திங் மலை அமைந்து உள்ளன.
Gombak District | |
சிலாங்கூர் | |
ஆள்கூறுகள்: 3°16′27.3″N 101°34′14.6″E | |
நாடு | மலேசியா |
மாநிலம் | சிலாங்கூர் |
மாவட்டம் | கோம்பாக் |
தொகுதி | பண்டார் பாரு செலாயாங் |
உள்ளூராட்சி | செலாயாங் நகராட்சி (மேற்கு) அம்பாங் ஜெயா நகராட்சி |
அரசு | |
• நகராட்சி மன்றத் தலைவர் | அமிருல் அசிசான் ரகிம்[1] |
• மாவட்ட அதிகாரி | வான் மொகமட் பாவான்தே[2] |
பரப்பளவு | |
• மொத்தம் | 650.08 km2 (251.00 sq mi) |
மக்கள்தொகை (2020)[4] | |
• மொத்தம் | 9,42,336 |
நேர வலயம் | மலேசிய நேரம் ஒ.ச.நே + 08:00 |
அஞ்சல் குறியீடுகள் | 48xxx, 52xxx-54xxx, 68xxx |
மலேசியாவில் தொலைபேசி எண்கள் | +6-03-41, +6-03-60, +6-03-61, +6-3-62 |
போக்குவரத்துப் பதிவெண்கள் | B |
கோம்பாக் மாவட்டம் கிள்ளான் பள்ளத்தாக்கில் அமைந்து உள்ளது. தவிர, கோலாலம்பூர் பெருநகரம்; மற்றும் சிலாங்கூர் மாநிலத்தில் உள்ள வேறு சில மாவட்டங்களும் இந்தக் கிள்ளான் பள்ளத்தாக்கில் தான் உள்ளன. கோம்பாக் மாவட்டத்தில் அமைந்துள்ள பிற பகுதிகள்: பத்து ஆராங்; குவாங்; ரவாங்; குண்டாங்; கோம்பாக்; செலாயாங்; கெப்போங்; மற்றும் உலு கிள்ளான்.
1974 பிப்ரவரி 1-ஆம் தேதி கோலாலம்பூர் ஒரு கூட்டாட்சி பிரதேசமாக அறிவிக்கப்பட்டது. அதே நாளில் தான் இந்தக் கோம்பாக் மாவட்டமும் உருவாக்கப்பட்டது. 1997-ஆம் ஆண்டு வரை, ரவாங் நகரம் கோம்பாக் மாவட்டத்தின் தலைநகராக இருந்தது. அதன் பின்னர் பண்டார் பாரு செலாயாங், இந்த மாவட்டத்தின் தலைநகரமாக மாற்றப்பட்டது.