![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e0/NewtonIteration_Ani.gif/640px-NewtonIteration_Ani.gif&w=640&q=50)
சமன்பாட்டைத் தீர்த்தல்
From Wikipedia, the free encyclopedia
கணிதத்தில் சமன்பாட்டின் தீர்வு காணல் அல்லது சமன்பாடு தீர்த்தல் (Equation solving) என்பது அச்சமன்பாடு தரும் நிபந்தனையை நிறைவுசெய்யும் மதிப்புகளைக் காணும் செயலாகும். இந்த மதிப்புகள் அச்சமன்பாட்டின் "தீர்வுகள்" எனப்படும். ஒரு சமன்பாட்டின் தீர்வுகள் அச்சமன்பாட்டைப் பொறுத்து எண்கள், சார்புகள், கணங்கள் என அமையலாம். பொதுவாக ஒரு சமன்பாடு சமன் குறிக்கு இருபுறமும் அமையும் இரு கோவைகளைக் கொண்டதாயிருக்கும்.
![Thumb image](http://upload.wikimedia.org/wikipedia/commons/thumb/e/e0/NewtonIteration_Ani.gif/640px-NewtonIteration_Ani.gif)
![Thumb image](http://upload.wikimedia.org/wikipedia/commons/thumb/c/c4/Quadratic_formula.svg/320px-Quadratic_formula.svg.png)
தீர்வு காணும்போது ஒன்று அல்லது ஒன்றுக்கு மேற்பட்ட கட்டற்ற மாறிகள் "அறியப்படாதவை"யாகக் கொள்ளப்படுகின்றன. சமன்பாட்டிலுள்ள சமன்தன்மையை உண்மையாக்கும் மதிப்புகளை அறியப்படாத மாறிகளுக்கு கண்டுபிடிப்பதே அச்சமன்பாட்டின் தீர்வு காண்பதாகும். அதாவது சமன்பாட்டிலுள்ள அறியா மாறிகளுக்கு பதிலிடும்போது அச்சமன்பாட்டினை முற்றொருமை ஆக்கக்கூடிய கோவைகளே தீர்வுகளாகும்.