சல்போனிக் அமிலம்
From Wikipedia, the free encyclopedia
சல்போனிக் அமிலம் (Sulfonic acid) என்பது R−S(=O)2−OH, என்ற பொது வாய்ப்பாட்டைக் கொண்ட கரிம கந்தகச் சேர்மங்களில் ஓர் உறுப்பினராகும். இவ்வாய்ப்பாட்டில் உள்ள R என்பது ஆல்க்கைல் அல்லது அரைல் குழுவைக் குறிக்கிறது. S(=O)2−OH என்பது சல்போனைல் ஐதராக்சைடு குழுவாகும் [1]. கந்தக அமிலத்தில் உள்ள ஒரு ஐதராக்சில் குழு ஒரு கரிம பதிலியால் இடப்பெயர்ச்சி செய்யப்பட்ட வேதிப்பொருளாக இது கருதப்படுகிறது. இதனுடைய தாய் சேர்மம் கருத்தியலான நிலையில் உள்ள கந்தச அமிலமாகும். சல்போனிக் அமிலத்தினுடைய உப்புகள் அல்லது எசுத்தர்கள் சல்போனேட்டுகள் எனப்படுகின்றன.