![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1f/Shotokan_japanese.svg/langta-640px-Shotokan_japanese.svg.png&w=640&q=50)
சோடோகான்
From Wikipedia, the free encyclopedia
சோடோகான் (松濤館流 | Shōtōkan-ryū) என்பது கராத்தேயிலுள்ள பல வகைகளில் ஒன்றாகும். ஜியின் புனாகோசி (1868–1957) மற்றும் அவருடைய மகன் ஜிகோ புனாகோசி (1906–1945) என்பவர்களால் பல சண்டைக் கலைகளிலிருந்து மேம்படுத்தப்பட்ட கராத்தேயின் ஒரு வகையே சோடோகான் கராத்தே ஆகும். ஜியின் ஓக்கினாவாவில் பிறந்தார்.[1] இவருடைய பகிரங்க செயன் முறை, பல வகை கராத்தே முறைகளை பல்கலைக்கழக கராத்தே கழகங்களில் வளர்த்தல் போன்ற கராத்தே பிரபல்யப்படுத்தும் செயற்பாடுகளுக்காக பரந்தளவில் பாராட்டுப் பெற்றவர்.[2]
![]() | |
சோடோகான் Shōtōkan 松濤館流 | |
---|---|
ஆரம்பம் | 1939 |
நாடு | ஜப்பான் |
நிறுவுனர் | ஜியின் புனாகோசி (1868–1957) ஜிகோ புனாகோசி (1906–1945) |
கற்பிக்கும் கலை | கராத்தே |
முன்னோடிக் கலை | யயுற்சு |
பல்கலைக்கழக கராத்தே கழகங்கள் மற்றும் வெளியிட கராத்தே பயிலகங்களில் ஜியின் பல மாணவர்களைக் கொண்டிருந்தார். கராத்தே பயிலகங்கள் அவருடைய மரணத்திற்குப் பிறகும் (1957) தொடர்ந்து கற்பித்தன. ஆயினும், உள்ளே காணப்பட்ட ஒத்துப் போகாத தன்மைகள் பல பிரிவு நிறுவனங்களை உருவாக்கியது. ஜப்பான் கராத்தே சங்கம் மற்றும் சோடோகாய் ஆரம்பத்தில் பிரிந்ததும், அதன் தொடர்ச்சியாக பல பிரிவுகள் உருவாகின. இன்று தனியொரு சோடோகான் கராத்தே பயிலகம் பாடசாலை இல்லை. இருந்தபோதிலும் அவை ஜியின் புனாகோசியின் தாக்கத்தைக் கொண்டுள்ளன. முதலாவதும் பெரிய வகையான கராத்தே வகைகளில் சோடோகான் கராத்தேயின் தாக்கம் கொண்ட முறையும் பாரம்பரியமிக்கதுமாக கருதப்படுகிறது.