மிக்கி ஜேம்ஸ்
அமெரிக்க தொழில்முறை மல்யுத்த வீரர், படகர் / From Wikipedia, the free encyclopedia
மிக்கி லாரி ஜேம்ஸ்-ஆல்டிஸ் (பிறப்பு ஆகஸ்ட் 31, 1979) [1][2] ஒரு அமெரிக்க தொழில்முறை மல்யுத்த வீரர் மற்றும் நாட்டுப் பாடகர் ஆவார். ஒரு மல்யுத்த வீரராக, இவர் உலக மற்போர் மகிழ்கலை நிறுவனத்தின் பிராண்ட் முக்கிய நிகழ்வுகளுக்கு வர்ணனையாளராக உள்ளார் மற்றும் உலக மற்போர் மகிழ்கலை நிறுவனத்தின் ஸ்மாக்டவுன் நிகழ்ச்சியில் மல்யுத்தப் போட்டிகளில் விளையாடி வருகிறார்.[3] ஜேம்ஸ் 1999 இல் தனது தொழில்முறை மல்யுத்த வாழ்க்கையினைத் தொடங்கினார். அப்போது இவர் அலெக்சிஸ் லரீ எனும் பெயரில் மல்யுத்தம் செய்தார்.[4]
அக்டோபர் 2005 இல் ஜேம்ஸ் தனது உலக மல்யுத்த பொழுதுபோக்கு (டபிள்யுடபிள்யுஇ) முக்கிய பட்டியலில் இடம்பெற்றார் மற்றும் டிரிஷ் ஸ்ட்ராடஸுடன் ஏற்பட்ட சில சிக்கள்களினால் இவர் பரவலாக அறியப்படார்.[4][5][6] ரெஸ்டில்மேனியா 22 இல் நடைபெற்ற போட்டியில் இவர் தனது முதல் உலக மற்போர் மகிழ்கலை நிறுவன மகளிர் வாகையாளர் பட்டத்தினைப் பெற்றார். இந்த பட்டத்தை இவர் மொத்தம் ஐந்து முறை வென்றுள்ளார். ஜேம்ஸ் தனது முதல் பெண்கள் வாகையாளர் பட்டத்தினை 2009 ஆம் ஆண்டில் நடைபெற்ற நைட் ஆஃப் சாம்பியன்ஸில் வென்றார், இதன்மூலம் இந்தப் பட்டங்களை ஐது முறை வென்ற இரண்டாவது பெண் எனும் சாதனை படைத்தார்.[7] இவர் ஏப்ரல் 22, 2010 அன்று உலக மற்போர் மகிழ்கலை நிறுவனத்தில் இருந்து விடுவிக்கப்பட்டு டி என் ஏவில் சேர்ந்தார்.
ஜேம்ஸ் மூன்று முறை டி.என்.ஏ நாக் அவுட்ஸ் வாகையாளர் பட்டத்தினையும், 2013 டி.என்.ஏ உலகக் கோப்பையையும் வென்றார் . இவர் செப்டம்பர் 2013 இல் டி.என்.ஏவை விட்டு வெளியேறினார்.[8][9] உலக மற்போர் மகிழ்கலை நிறுவனம் மற்றும் டி என் ஏ மல்யுத்தப் போட்டிகளில் ஜேம்ஸ் ஒன்பது முறை வாகையாளர் ஆனார். இது ஒரு தேசிய சாதனையாகும்.[10][11] மற்றும் மல்யுத்த வரலாற்றில் உலக மற்போர் மகிழ்கலை நிறுவன டிவாச் பட்டம் உலக மற்போர் மகிழ்கலை நிறுவன பெண்கள் வாகையாளர் மற்றும் டி என் ஏ நாக்அவுட் வாகையாளர் பட்டம் ஆகிய மூன்று பட்டங்களையும் பெற்ற ஒரே பெண் வீரர் எனும் சாதனை ப்டைத்துள்ளார்.[12] புரோ மல்யுத்த இல்லஸ்ட்ரேட்டட் (பிடபிள்யூஐ) 2009 ஆம் ஆண்டில் ஜேம்ஸை முதலிடத்தில் பெண் மல்யுத்த வீரராக மதிப்பிட்டது, மேலும் இவர் இரண்டு முறை ஆண்டின் சிறந்த பெண்மணியாகவும் தேர்வானார். 2009 ஆம் ஆண்டில் முதல் முறையாகவும், 2011 ஆம் ஆண்டில் மீண்டும் பிடபிள்யூஐ வாசகர்களால் தேர்ந்தெடுக்கப்பட்டார்.