யூரேசிய ஒன்றியம்
From Wikipedia, the free encyclopedia
யூரேசிய ஒன்றியம் (Eurasian Union) பெலருஸ், கசக்கிசுத்தான், கிர்கிசுதான், உருசியா, தாஜிக்ஸ்தான்[1][2][3] ஆகிய நாடுகளையும் பிற சோவியத் ஒன்றியத்திலிருந்து பிரிந்த நாடுகளையும் வாய்க்குமெனில் பின்லாந்து, அங்கேரி, செக் குடியரசு, பல்கேரியா மற்றும் மொங்கோலியா ஆகிய நாடுகளையும்.[4] பொருளாதார மற்றும் அரசியல் வகைகளில் ஒன்றிணைத்து ஒர் பெரிய நாட்டமைப்பாக மாற்றிடும் திட்டமாகும். ஐரோப்பிய ஒன்றியம் உருவாக்கத்தை யொட்டி எழுந்த இத்தகைய கருத்தாக்கத்தை கசக்கிசுத்தான் அரசுத்தலைவர் நூர்சுல்தான் நசர்பயேவ் மாஸ்கோ பல்கலைக்கழகத்தில் நிகழ்த்திய உரையொன்றில் 1994ஆம் ஆண்டிலேயே குறிப்பிட்டிருந்தபோதும்[5] அக்டோபர் 2011இல் உருசியாவின் பிரதமர் விளாடிமிர் பூட்டின் உலகளவில் அறியச் செய்தார்.[3][6] நவம்பர் 18, 2011இல் பெலருஸ், கசக்கிசுத்தான் மற்றும் உருசியா அரசுத்தலைவர்கள் 2015க்குள் யூரேசியன் ஒன்றியத்தை உருவாக்கிட இலக்கு குறிப்பிட்டு உடன்பாடு கொண்டனர்.[7] இந்த உடன்பாடு ஐரோப்பிய ஆணையத்தினை ஒத்த யூரேசிய ஆணையத்தை நிறுவவும் யூரேசிய பொருளாதாரவெளியை சனவரி 1, 2012 முதல் நிறுவிடவும் வருங்காலத்தில் ஒருங்கிணைப்பதற்கான திட்டங்களையும் உள்ளடக்கி உள்ளது.[7][8]
யூரேசிய ஒன்றியம் Евразийский Союз | |
---|---|
பரிந்துரைக்கப்பட்ட உறுப்பு நாடுகள் | பெலருஸ் கசக்கஸ்தான் உருசியா கிர்கிசுத்தான் தஜிகிஸ்தான் |