![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/82/Illustration_of_a_deformed_female_pelvis_-_angular_distortion_Wellcome_L0038229.jpg/640px-Illustration_of_a_deformed_female_pelvis_-_angular_distortion_Wellcome_L0038229.jpg&w=640&q=50)
வலிமிகு மகப்பேறு
From Wikipedia, the free encyclopedia
வலிமிகு மகப்பேறு அல்லது வலிமிகு பேறு அல்லது பிரசவ அடைப்பு (Obstructed labour) என்பது குழந்தை பிறப்பு நடைபெறும் சூழலில், கருப்பை ஒழுங்காகச் சுருங்கி விரிந்தும்கூட, இயல்நிலையில் இடுப்பு வளையத்தின் ஊடாக, குழந்தை வெளியேற முடியாதபடிக்கு ஒருவகை அடைப்பு நிலை காணப்படுவதனால், மிகவும் வலிமிகுந்த மகப்பேறாக இருக்கும் நிலையைக் குறிக்கும். இந்நிலையில், பிறக்கும் குழந்தைக்குத் தேவையான ஆக்சிசன் கிடைக்காமல் போவதனால், குழந்தை இறப்பும் ஏற்படும் சாத்தியம் உண்டு.[1] அத்துடன் தாய்க்கு நோய்த்தொற்றுக்கள் ஏற்படல், கருப்பை கிழிவு (en:uterine rupture) ஏற்படல், பிரசவத்துக்குப் பிந்தைய குருதிப்பெருக்கு ஏற்படல் போன்ற சூழ் இடர்கள் நிகழலாம்.[1] நீண்ட நேரத்துக்கு இந்தச் சிக்கல் தொடருமாயின், தாய்க்கு பிறப்புப் பாதையில் துவாரம் ஏற்பட்டு (en:Obstetric fistula), அதனால் ஏற்படக்கூடிய புதிய சிக்கல்கள் தோன்றலாம்.[2] இப்படியான நிலையில் நீண்ட நேரப் பிரசவமும், சுறுசுறுப்பான முதலாம் நிலைப் பிரசவம் 12 மணித்தியாலங்களுக்கு மேலாகச் செல்லும் நிலை ஏற்படும்.[2]
வலிமிகு பேறு | |
---|---|
ஒத்தசொற்கள் | வலிமிகு மகப்பேறு அல்லது பிரசவ அடைப்பு |
![]() | |
குழந்தை பிறப்பில் சிக்கலை உருவாக்கக் கூடிய உருத்திரிபுக்குட்பட்ட இடுப்பு வளையம் | |
சிறப்பு | மகப்பேறியல் (en:Obstetrics) |
சிக்கல்கள் | en:Perinatal asphyxia, கருப்பைக் கிழிவு (en:uterine rupture), பிரசவத்துக்குப் பிந்தைய குருதிப்பெருக்கு[1] |
காரணங்கள் | பெரிய குழந்தை, குழந்தை அசாதாரணமாக நிலையில் தங்கியிருத்தல், சிறிய இடுப்பு வளையம், பிறப்புப் பாதையில் ஏதாவது சிக்கல்கள்[2] |
சூழிடர் காரணிகள் | தாயின் இடுப்பு எலும்பிற்குள் குழந்தையின் தோள்மூட்டு பிடிபட்டு நெருக்கத்திற்குள்ளாதல், ஊட்டக்குறை, உயிர்ச்சத்து டி குறைப்பாடு[3][2] |
நோயறிதல் | குழந்தை பிறப்பின் முதலாம் நிலையில் சுறுசுறுப்பான பகுதி, 12 மணித்தியாலத்திற்கு மேலாகச் செல்லுதல்[2] |
சிகிச்சை | அறுவைச் சிகிச்சை மூலம் குழந்தையை எடுத்தல், வெற்றிடம் உருவாக்கி வெளியேற்றும் முறை ([:en:[vacuum extraction]] [4] |
நிகழும் வீதம் | 6.5 மில்லியன் (2015)[5] |
இறப்புகள் | 23,100 (2015)[6] |
உலகில் ஆப்பிரிக்கா, ஆசியா ஆகிய பகுதிகளில் 2 முதல் 5 வீதம் வரையிலான பிரசவங்களில் இவ்வகையான பிரசவ அடைப்பு ஏற்படுகின்றது.[7] 2015 ஆம் ஆண்டில் 6.5 மில்லியன் அளவில் இவ்வகையான பிறப்புச் சிக்கல் ஏற்பட்டுள்ளது.[5] 1990 ஆம் ஆண்டில் 29,000 ஆக இருந்த இவ்வகையிலான தாயின் இறப்பு 2015 இல் 23,000 ஆகக் குறைந்திருந்த போதிலும், இவ்வகைச் சிக்கலே, பிரசவத்தின் போதான தாயின் இறப்பில் 8% ஆக இருந்தது.[2][6][8] அத்துடன் செத்துப் பிறப்பு நிகழ்விற்கும் இதுவே மிக முக்கியமான காரணியாக இருக்கின்றது.[9] இவ்வகையான இறப்புகள் அநேகமானவை வளர்ந்துவரும் நாடுகளிலேயே காணப்படுகின்றது.[1]