வலைப்பின்னல் கட்டமைப்பு
From Wikipedia, the free encyclopedia
வலைப்பின்னல் கட்டமைப்பு (network topology) என்பது கணினி வலையமைப்பு உள்ள பல்வேறுபட்ட மூலங்களின் (இணைப்புகள், கணு) தொகுப்பு ஆகும்.[1] அடிப்படையில் இது வலைப்பின்னல் ஒன்றின் இடவியல்[2] கட்டுமானம் ஆகும், மேலும் இக்கட்டமைப்பு பௌதிகரீதியாக அல்லது தருக்கரீதியாக சித்தரிக்க முடியும். பௌதிக கட்டமைப்பு என்பது வலைப்பின்னலுக்குரிய பல்வேறு கட்டமைப்பை கொண்டிருக்கும். மேலும் இது சாதனங்களின் அமைவிடம், கேபிள் நிறுவல்களை கொண்டிருக்கும் அதேவேளை தருக்கரீதியான கட்டமைப்பு(Logical Topology) என்பது வலைபின்னலினுள் எவ்வாறு தரவு (Data) பாய்ச்சல் நடைபெறுகின்றது இதன்போது அதன் பௌதிக கட்டமைப்பு பற்றி கருத்தில் கொள்ளபடாது. இரண்டு வலைப்பின்னல்கள் ஒரே மாதிரியாக காணப்பட்டபோதிலும் பின்வரும் வேறுபாடுகள் காணப்படலாம் அவையாவன கணுக்களுகிடைபட்ட தூரம், பௌதிகரீதியான தொடர்பு, ஊடுகடத்தல் வேகம் ஆகியனவாகும்.
இதன் ஓர் உதாரணம் குறும்பரப்பு வலையமைப்புகள் (LAN) ஆகும். குறும்பரப்பு வலையமைப்பு (Local Area Network) அல்லது அகக்கணினி வலையமைப்பு என்பது ஒரு வீடு, அல்லது ஒரு கல்லூரியின் சில கட்டிடங்கள் போன்று சிறு பரப்பில் அமைக்கப்பட்டிருக்கும் கணினி வலையமைப்பு ஆகும்.இவ்வலையமைப்பில் உள்ள ஏதாவது ஒரு கணு(Node) மற்றைய சாதனத்துடன் பௌதிகரீதியாக ஒன்று அல்லது ஒன்றிக்கு மேற்பட்ட தொடர்புகளை கொண்டிருக்கும்.இவ்வமைப்பை உருவவியல்ரீதியாக வரையும் போது பௌதிக கட்டமைப்பின் கேத்திரகணித வடிவமைப்பை பெற்றுக்கொள்ள முடியும்,இவ்வடிவமைப்பின்முலம் வலைப்பின்னலின் பௌதிக கட்டமைப்பைப்பற்றி விபரிக்கமுடியும்.மாறாக தர்க்கரீதியாயான கட்டமைப்பானது கூறுகளிடையான தரவுப்பாய்ச்சல் முலம் தீர்மானிக்கபடுகின்றது.