வியாழன் பனிக்கட்டி நிலாக்கள் ஆய்வுக்கலம்
From Wikipedia, the free encyclopedia
வியாழன் பனிக்கட்டி நிலாக்கள் ஆய்வுக்கலம் (Jupiter Icy Moons Explorer, JUICE, "யூசு") என்பது கோள்களுக்கு இடையேயான ஓர் ஆய்வு விண்கலமாகும், இது 2023 ஏப்ரல் 14 அன்று ஏர்பஸ் டிஃபென்ஸ் ஸ்பேசு என்ற முக்கிய ஒப்பந்தக்காரரைக் கொண்டு ஐரோப்பிய விண்வெளி நிறுவனத்தால் ஏவப்பட்டது. வியாழனின் மூன்று கலிலியன் நிலவுகளான கனிமீடு, கலிஸ்டோ, யூரோப்பா ஆகிய மூன்று நிலவுகளை ஆய்வு செய்ய இந்தப் பணி திட்டமிடப்பட்டுள்ளது. அவை அவற்றின் பனிக்கட்டி மேற்பரப்புகளுக்கு அடியில் குறிப்பிடத்தக்க திரவ நீரின் கூறுகளைக் கொண்டிருப்பதாகக் கருதப்படுகிறது, இதனால் அவை உயிரினங்கள் வாழக்கூடிய சூழலை உருவாக்கும்.[4][5] பனிக்கட்டி இல்லாத நிலவான எரிமலைச் செயலில் உள்ள ஐயோவில் இந்தத் திட்டம் கவனம் செலுத்தவில்லை.
JUICE விண்கலம் பற்றிய கலைஞரின் கைவண்ணம் | |
திட்ட வகை | கோள் அறிவியல் |
---|---|
இயக்குபவர் | ஐ.வி.நி |
திட்டக் காலம் | விண்கலத்தின் கட்டங்கள்: 8 ஆண்டுகள் அறிவியல் கட்டம்: 3.5 ஆண்டுகள் முடிவுற்றது: 1 ஆண்டு and 23 நாள்-கள் |
விண்கலத்தின் பண்புகள் | |
தயாரிப்பு | Airbus Defence and Space |
ஏவல் திணிவு | 5,963 கிகி (13,146 இறா) |
உலர் நிறை | 2,405 கிகி (5,302 இறா) |
திறன் | 820 வாட்டு[1] சூரியத் தகடின் மூலம் ~100 m2 (1,100 sq ft)[2] |
திட்ட ஆரம்பம் | |
ஏவப்பட்ட நாள் | 14 ஏப்ரல் 2023 12:14 ஒசநே[3] |
ஏவுகலன் | ஆரியான் 5 ECA |
ஏவலிடம் | கயானா விண்வெளி மையம் |
ஒப்பந்தக்காரர் | ஆரியானசுப்பேசு |
நிலா-ஐ அணுகல் | |
மிகக்கிட்டவான அணுகல் | ஆகத்து 2024 |
புவி-ஐ அணுகல் | |
மிகக்கிட்டவான அணுகல் | ஆகத்து 2024 |
வெள்ளி-ஐ அணுகல் | |
மிகக்கிட்டவான அணுகல் | 31 ஆகத்து 2025 |
புவி-ஐ அணுகல் | |
மிகக்கிட்டவான அணுகல் | 29 செப்டம்பர் 2026 |
புவி-ஐ அணுகல் | |
மிகக்கிட்டவான அணுகல் | 18 சனவரி 2029 |
223 ரோசா-ஐ அணுகல் | |
மிகக்கிட்டவான அணுகல் | 15 அக்டோபர் 2029 (திட்டம்) |
வியாழன் சுற்றுக்கலன் | |
சுற்றுப்பாதையில் இணைதல் | சூலை 2031 (திட்டம்) |
Departed orbit | திசம்பர் 2034 (திட்டம்) |
கனிமீடு சுற்றுக்கலன் | |
சுற்றுப்பாதையில் இணைதல் | திசம்பர் 2034 (திட்டம்) |
இவ்விண்கலம் 2023 ஏப்ரல் 14 அன்று 12:14 மணிக்கு[3] ஏவப்பட்டது. பயணத்திற்கான உந்துசக்தியைப் பெறுவதற்காக கோள்களின் ஈர்ப்பு விசைகளின் தள்ளுகையை நான்கு முறை விண்கலம் பயன்படுத்தும். எட்டு ஆண்டுப் பயணத்திற்குப் பிறகு 2031 சூலை மாதத்தில் இது வியாழனை அடையும்.[6][7] 2034 திசம்பரில், விண்கலம் அதன் நெருக்கமான அறிவியல் பணிக்காகக் கனிமீடின் சுற்றுப்பாதையில் நுழையும்,[6] இதன் மூலம் பூமியின் நிலாவைத் தவிர வேறு நிலவைச் சுற்றி வரும் முதல் விண்கலம் என்ற சாதனையை ஏற்படுத்தும். ஐரோப்பிய விண்வெளி நிறுவனத்தின் அண்டத்திற்கான தொலைநோக்கு என்ற அறிவியல் திட்டத்திற்காக இந்த ஆய்வுக்கலத் திட்டத்தின் தேர்வு 2012 மே 2 அன்று அறிவிக்கப்பட்டது.[8][9] இதன் செயல்பாடுகளின் காலத்திலேயே நாசாவும் யூரோப்பா கிளிப்பர் என்ற திட்டத்தை 2024 இல் தொடங்கவிருக்கிறது.