![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b7/V_K_Murthy.jpg/640px-V_K_Murthy.jpg&w=640&q=50)
வி. கே. மூர்த்தி (ஒளிப்பதிவாளர்)
From Wikipedia, the free encyclopedia
வெங்கடராம பண்டிட் கிருஷ்ணமூர்த்தி (ஆங்கிலம்: Venkatarama Pandit Krishnamurthy, கன்னடம்: ವೆಂಕಟರಾಮಾ ಪಂಡಿತ್ ಕೃಷ್ಣಮೂರ್ತಿ; நவம்பர் 26, 1923 – ஏப்ரல் 7, 2014.[1]) இந்திய திரைப்பட ஒளிப்பதிவாளர்.[2] இவர் வயலின் கலைஞரும் இந்திய விடுதலைப் போராட்டத்தில் கலந்துகொண்டு சிறைக்குச் சென்ற விடுதலைப் போராட்ட வீரருமாவார். இயக்குநர் குரு தத்துடன் இணைந்து அவரது திரைப்படங்களுக்கு ஒளிப்பதிவாளராகப் பணியாற்றியவர். இந்திய திரைப்படங்களில் கருப்பு-வெள்ளை பின்னணியில் சிறந்த ஒளிப்பதிவுகளைத் தந்தவர். இந்தியாவின் முதல் சினிமாஸ்கோப் திரைப்படமான ’காகஸ் கி ஃபூல்’ திரைப்படத்திற்கு இவர்தான் ஒளிப்பதிவாளர். திரைப்படத் துறைக்கு, குறிப்பாக இந்திய திரைப்படத்துறைக்கு இவர் அளித்த பங்களிப்புகளுக்காக இவருக்கு பன்னாட்டு இந்திய திரைப்பட அகாதமி (IIFA) வாழ்நாள் சாதனையாளர் விருதினை 2005 ஆம் ஆண்டில் வழங்கியது. மேலும் இவரது பணியினை சிறப்பிக்கும் விதமாக இவருக்கு ஜனவரி 19, 2010 இல் தாதாசாகெப் பால்கே விருது (2008) வழங்கப்பட்டது.
வி. கே. மூர்த்தி | |
---|---|
![]() 2010 இல் மூர்த்தி | |
பிறப்பு | வெங்கடராம பண்டிட் கிருஷ்ணமூர்த்தி (1923-11-26)26 நவம்பர் 1923 மைசூர், மைசூர் அரசு, பிரித்தானிய இந்தியா ![]() |
இறப்பு | 7 ஏப்ரல் 2014(2014-04-07) (அகவை 90) பெங்களூரு, இந்தியா |
தேசியம் | இந்தியா |
பணி | திரைப்பட ஒளிப்பதிவாளர் |
செயற்பாட்டுக் காலம் | 1951–2001 |
விருதுகள் | தாதாசாகெப் பால்கே விருது |