அசீசு சாஞ்சார்

அசீசு சாஞ்சார் (Aziz Sancar, பிறப்பு: 1946) துருக்கிய அமெரிக்க உயிர் வேதியியல் அறிவியலாளர் ஆவார். மூலக்கூற்று உயிர்வேதியியல் வல்லுநரான இவர் டி. என். ஏ. சீராக்கல் ^[1] ஆய்வுகளுக்காக அறியப்படுகிறார்.^[2]. டி. என். ஏ. பொருந்தாமையை சீர்ப்படுத்திய ஆய்வுகளுக்காக இவருக்கும், சுவீடனைச் சேர்ந்த தோமசு லின்டால், மற்றும் அமெரிக்காவைச் சேர்ந்த பவுல் மோட்ரிச் ஆகியோருக்கும் 2015 ஆம் ஆண்டிற்கான வேதியியலுக்கான நோபல் பரிசு கூட்டாக வழங்கப்பட்டது.^[3][4]. ஒளிவினை நொதி மற்றும் பாக்டிரியாக்களின் நியூக்ளியோடைடுகளை வெட்டி பழுதுபார்த்தல் போன்ற துறைகளிலும் இவருடைய பங்களிப்புகள் உள்ளன.

அசீசு சாஞ்சார் Aziz Sancar
பிறப்பு	செப்டம்பர் 8, 1946 (1946-09-08) (அகவை 79) சவூர், துருக்கி
தேசியம்	துருக்கியர்
துறை	உயிர்வேதியியல், மூலக்கூற்று உயிரியல், டி. என். ஏ. சீராக்கல்
கல்வி கற்ற இடங்கள்	MD (இசுதான்பூல் பல்கலைக்கழகம், 1969) முனைவர் (டெக்சாசு பல்கலைக்கழகம், 1977)
விருதுகள்	வேபி கோச் விருது, 2007 வேதியியலுக்கான நோபல் பரிசு, 2015