அனைத்துலக நோய்கள் வகைப்பாடு - 10

அனைத்துலக நோய்கள் வகைப்பாடு - 10 அல்லது அ.நோ.வ -10 (ICD-10) என்பது நோய்களுக்கும், நலக்கேடுகளுக்குமான அனைத்துலக புள்ளியியல் வகைப்பாட்டின் பத்தாவது பதிப்பு ஆகும். இப்பதிப்பில் எல்லா வகையான நோய்கள், அவற்றின் உணர்குறிகள், அறிகுறிகள், நலச் சிக்கல்கள், நலக்கேடுகள், காயங்கள், மற்றும் இதர உடல் நலக் குறைபாடுகள் என்பன உரியமுறையில் வகைப்படுத்தப்பட்டு குழப்பம் ஏற்படாதவாறு சிறப்புக் குறியீடுகளைக் கொண்டுள்ளது.

இப்பதிப்பை உருவாக்கும் வேலைகள் 1983இல் ஆரம்பித்து 1992இல் நிறைவுபெற்றது.^[1] நோய்களுக்கான குறியீட்டுப் பட்டியலில் அ.நோ.வ-9இல் இல்லாதவை புதிதாகச் சேர்க்கப்பட்டது. இதுவே தற்போது பயன்பாட்டில் உள்ள நோய்கள் வகைப்பாட்டு முறையாகும், எனினும் நாடுகளுக்குத் தக்கவாறு இவற்றில் சிறுசிறு மாற்றங்கள் ஏற்படுத்தப்பட்டுள்ளன.

பட்டியல்

அனைத்துலக நோய்கள் வகைப்பாடு - 10 பட்டியல் (ICD-10).^[2]

நோய்களுக்கும், நலக்கேடுகளுக்குமான அனைத்துலக புள்ளியியல் வகைப்பாடு - பத்தாவது பதிப்பு

அதிகாரம்	கட்டம்	தலைப்பு
I	A00–B99	சில தொற்றுநோய்களும் ஒட்டுண்ணி நோய்களும்
II	C00–D48	உயிரணு மிகைப் பெருக்கம் (Neoplasms)
III	D50–D89	குருதி நோய்கள், குருதியாக்க உறுப்புக்களின் நோய்கள், சில நிர்ப்பீடனநோய்கள்
IV	E00–E90	அகஞ்சுரப்பி, போசாக்கு, வளர்சிதைமாற்ற நோய்கள்
V	F00–F99	உளநோய், நடத்தை நோய்
VI	G00–G99	நரம்புத்தொகுதி நோய்கள்
VII	H00–H59	கண், கண் சூழ்பகுதிகளின் நோய்கள்
VIII	H60–H95	காது, முலையுரு நீட்ட நோய்கள்
IX	I00–I99	குருதிச் சுற்றோட்டத் தொகுதி நோய்கள்
X	J00–J99	சுவாசத்தொகுதி நோய்கள்
XI	K00–K93	சமிபாட்டுத் தொகுதி நோய்கள்
XII	L00–L99	தோல், தோற்கீழ் இழைய நோய்கள்
XIII	M00–M99	தசை வன்கூட்டுத் தொகுதி நோய்களும் தொடுப்பிழைய நோய்களும்
XIV	N00–N99	சிறுநீரக, இனப்பெருக்கத் தொகுதி நோய்கள்
XV	O00–O99	கர்ப்பம், மகப்பேறு, பிரசவக்காலம்
XVI	P00–P96	பிறப்பின் முன்பின் காலப்பகுதியில் ஏற்படும் சில நிலைகள்
XVII	Q00–Q99	பிறவிக் குறைபாடு, பிறப்பு உருத்திரிபு, மரபுத்திரி (நிறமூர்த்தம்) இயல்பு மாற்றம்
XVIII	R00–R99	நோய் அறிகுறிகள், மருத்துவ மற்றும் ஆய்வுகூட அறிபேறுகள்
XIX	S00–T98	காயங்கள், நஞ்சூட்டம், புறக்காரணிகளால் ஏற்படும் விளைவுகள்
XX	V01–Y98	நோயுற்ற விகிதம், இறப்புவிகிதம் ஆகியவற்றிற்கான புறக்காரணங்கள்
XXI	Z00–Z99	உடல்நல நிலையைக் கட்டுப்படுத்தும் காரணிகள் மற்றும் உடல்நலச் சேவைகளைத் தொடர்புகொள்ளல்
XXII	U00–U99	சிறப்புத் தேவைகளுக்கான சுட்டெண்