அருந்ததி நாயர்

அருந்ததி நாயர் (Arundhati Nair) என்பவர் ஒரு இந்திய திரைப்பட நடிகை ஆவார். இவர் குறிப்பாக தமிழ் மற்றும் மலையாள மொழி படங்களில் பணிபுரிகிறார்.

தொழில்

அருந்ததி தமிழில் பொங்கி எழு மனோகரா (2014), விருமாண்டிக்கும் சிவனாண்டிக்கும் (2016) ஆகிய படங்களில் முதலில் நடித்தார். விஜய் ஆண்டனியின் மனைவியாக சைத்தான் (2016) படத்தில் நடித்த பிறகு இவர் உரிய அங்கிகாரத்தைப் பெற்றார்.^[1][2][3][4] டெக்கான் குரோன்சிக்கிள் எழுதிய படத்தின் ஒரு விமர்சனத்தில், "அருந்ததி நாயர் இரண்டு நல்ல கதாபாத்திரங்களில் நடித்துள்ளார், அதற்காக அவர் நல்ல பாராட்டுக்கு தகுதியானவர்" என்று குறிப்பிட்டார்.^[5] ஒட்டகோரு காமுகன் (2018) படத்தின் வழியாக இவர் மலையாளத்தில் அறிமுகமானார். அப்படத்தில் ஷைன் டாம் சாக்கோ மீது காதல் கொண்டவராக நடித்தார்.^[4] ஷிரிஷ் சரவணன் ஜோடியாக பிஸ்தா படத்தில் நடிக்கிறார்.^[6]

திரைப்படவியல்

படங்கள்

ஆண்டு	படம்	பாத்திரம்	மொழி	குறிப்புகள்
2014	பொங்கி எழு மனோகரா	ஆனந்தி	தமிழ்
2016	விருமாண்டிக்கும் சிவனாண்டிக்கும்	நந்தினி	தமிழ்
	சைத்தான்	ஐஸ்வர்யா / ஜெயலட்சுமி	தமிழ்
2018	ஒட்டகோரு காமுகன்	அன்னி	மலையாளம்
2020	கன்னிராசி	அவராகவே	தமிழ்	சிறப்புத் தோற்றம்
2020	பிஸ்தா	நந்தினி	தமிழ்

தொலைக்காட்சித் தொடர்கள்

ஆண்டு	தலைப்பு	பங்கு	அலைவரிசை	மொழி
2019-2020	கேரள சமாஜம்	ரியா	ஏசியநெட்	மலையாளம்