இரா. மாசிலாமணி

இரா. மாசிலாமணி (R. Masilamani) ஓர் இந்திய அரசியல்வாதியும் தமிழக சட்டமன்ற உறுப்பினரும் ஆவார். மாசிலாமணி விழுப்புரம் மாவட்டம் மயிலம் பகுதியினைச் சேர்ந்தவர். திண்டிவனத்தில் பள்ளிக் கல்வியினை முடித்த மாசிலாமணி, தஞ்சாவூர் அரசு மருத்துவக் கல்லூரியில் இளநிலை மருத்துவக் கல்வியினை முடித்துள்ளார். மாசிலாமணி 2016ஆம் ஆண்டு தமிழக சட்டசபைக்கான தேர்தலில் மயிலம் சட்டமன்றத் தொகுதியிலிருந்து திராவிட முன்னேற்றக் கழகத்தின் வேட்பாளராகப் போட்டியிட்டு தமிழக சட்டமன்றத்திற்குத் தேர்ந்தெடுக்கப்பட்டார்.^[1][2] முன்னதாக இவர் திண்டிவனம் சட்டமன்றத் தொகுதிக்கு 1989ஆம் ஆண்டு நடைபெற்ற சட்டமன்றத் பொதுத் தேர்தலில் போட்டியிட்டு வெற்றிபெற்றுள்ளார்.^[3]

சட்டமன்ற உறுப்பினராக

ஆண்டு	வெற்றி பெற்ற தொகுதி	கட்சி	பெற்ற வாக்குகள்	வாக்கு விழுக்காடு (%)
1989	திண்டிவனம்	திமுக	39,504	48.05[4]
2016	மயிலம்	திமுக	70,880	41.82