கதிரவன் கிருட்ணமூர்த்தி

கதிரவன் கிருட்ணமூர்த்தி கனடாவில் உள்ள கார்ல்ட்டன் பல்கலைக்கழகத்தில் முனைவர் பட்டம் பெற்று, பின்னர் ஐபிஎம் நிறுவனத்திலும், மாக்சிம் (Maxxim) நிறுவனத்திலும் பணியாற்றிய பொறியியலாளர். இவர் கம்பியில்லா மின்தொடர்பு தொழில்நுட்பத்தில் பல கண்டுபிடிப்புகள் செய்துள்ளார், சில காப்புரிமங்களும் பெற்றுள்ளார்^[1]. தொலைத்தொடர்பு, குறிகை முறைவழியாக்கம் போன்ற துறைகளைப் பற்றி தமிழில் கட்டுரைகளை எழுதியுள்ளார். இவருடைய சில தொழில்நுட்பக் கட்டுரைகள் துறை தொடர்பான ஆங்கில இதழ்களில் வெளியாகியுள்ளன. இவர் தற்போது ஐக்கிய அமெரிக்காவில் வசிக்கிறார்.

வெளியிட்ட நூல்கள்

• அடிப்படை ரேடியோ தொடர்பாடல் - அடையாளம் பதிப்பகம் (2011)

தமிழ்நாடு சிறந்த நூலாசிரியர் பரிசு

இவர் எழுதிய “அடிப்படை ரேடியோ தொடர்பாடல்” எனும் நூல் தமிழ்நாடு அரசின் 2011 ஆம் ஆண்டிற்கான சிறந்த நூலுக்கான பரிசுகளில் பொறியியல், தொழில்நுட்பம் எனும் வகைப்பாட்டில் பரிசு பெற்றிருக்கிறது.