கரிமச் சேர்மம்

அங்கக சேர்மம் (Organic compund) அல்லது பொதுவாக கரிமச் சேர்மம் (Carbon compound) என்பது, கரிமம் மற்றும் ஐதரசன் ஆகியவற்றை தனது மூலக்கூறில் கொண்டுள்ள வேதியியல் சேர்மங்களைக் குறிக்கும். ஆனால் விதிவிலக்காக கார்பைட்டுகள், காபனேற்றுகள், ஆலைடுகள் போன்றவையும், கரிமத்துடன் ஆக்சிசன் மற்றும் நைதரசன் சேர்ந்த வேதியியல் சேர்மங்களும் இதில் அடங்குவதில்லை.

மெத்தேன் ஒரு எளிய வகை கரிமவேதியியல் சேர்மம் ஆகும்.

கரிமத்தின் சேர்க்கைத் திறன் மற்றும் மற்ற கரிம அணுக்களுடன் சங்கிலிப் பிணைப்புகளை உருவாக்கும் திறன் காரணமாக பல இலட்சம் கரிம சேர்மங்கள் அறியப்பட்டுள்ளன. கரிம சேர்மங்களின் பண்புகள், எதிர்வினைகள் மற்றும் தொகுப்புகள் பற்றிய ஆய்வு கரிம வேதியியல் எனப்படுகிறது.^[1][2] கரிம சேர்மங்கள் பூமியில் ஒரு சிறிய சதவீதத்தை மட்டுமே இருந்தாலும், அவை மிகுந்த முக்கியத்துவம் வாய்ந்தவை, ஏனெனில் அறியப்பட்ட அனைத்து உயிர்களும் கரிம சேர்மங்களை அடிப்படையாகக் கொண்டவை.

செயற்கையாக உற்பத்தி செய்யப்படுகின்ற பெரும்பாலான கரிம சேர்மங்கள் பாறை எண்ணெய் மற்றும் அதனிலிருந்து பெறப்படுகின்றன. அவை நிலத்தடியில் உள்ள கரிமப் பொருட்களிலிருந்து உயர் அழுத்தம் மற்றும் வெப்பநிலை காரணமாக உருவாகின்றன.^[3] அறியப்பட்ட வேதியியல் சேர்வைகளுள் பாதிக்கும் மேற்பட்டவை கரிமவேதியியல் சேர்வைகள் ஆகும். இதனால், இவற்றை வகைப்படுத்துவதற்கு முறைகள் வகுக்கப்பட்டுள்ளன. சில கரிமவேதியியல் சேர்வைகளின் வகைகள் கீழே தரப்பட்டுள்ளன.^[4]

அமில நீரிலிகள் அசைல் ஹேலைட்டுகள் அல்ககோல்கள் அல்டிகைட்டுகள் ஆல்க்கேன்கள் ஆல்க்கீன்கள் ஆல்க்கைன்கள் அமைட்டுகள் அமைன்கள் அரோமட்டிக்குகள் அசோ சேர்வைகள் கார்பாக்சாலிக்கு அமிலங்கள்

எஸ்தர்கள் ஈதர்கள் ஹலோஅல்கேன்கள் ஈமைன்கள் கீட்டோன்கள் நைத்திரைல்கள் நைத்திரோ சேர்வைகள் கரிம உலோகச் சேர்வைகள் பீனோல்கள் பல்பகுதியங்கள், நெகிழிகள் உட்பட தியோல்கள்

மேலும் காண்க

• கனிமச் சேர்மம்
• கரிம உலோக வேதியியல்