கருநாடக நாட்டார் வழக்காற்றியல் பல்கலைக்கழகம்

கருநாடகா நாட்டார் வழக்காற்றியல் பல்கலைக்கழகம் (Karnataka Folklore University) என்பது கர்நாடகா ஜானபதா விசுவவித்யாலயா என்றும் அழைக்கப்படுகிறது.^[2] இது இந்தியாவின் கருநாடகம் மாநிலத்தில் நாட்டார் வழக்காற்றியல் ஆய்வு மற்றும் ஆராய்ச்சிக்காகப் பிரத்தியேகமாக அர்ப்பணிக்கப்பட்ட ஒரு பொதுப் பல்கலைக்கழகம் ஆகும். இப்பல்கலைக்கழகம் 2011ஆம் ஆண்டு கர்நாடக அரசால் ஆவேரி மாவட்டத்தில் நிறுவப்பட்டது. இப்பல்கலைக்கழகத்தின் முதல் துணைவேந்தர் அம்பலிகே அரியன்ன ஆவார்.^[3]

கருநாடகா நாட்டார் வழக்காற்றியல் பல்கலைக்கழகம்

வகை	பொது
உருவாக்கம்	2011
வேந்தர்	கருநாடக ஆளுநர்
துணை வேந்தர்	டி. எம். பாசுகர்[1]
அமைவிடம்	சிகாவ்ன், கருநாடகம், இந்தியா
சேர்ப்பு	பல்கலைக்கழக மானியக் குழு
இணையதளம்	www.janapadauniversity.ac.in/English/

இப்பல்கலைக்கழகம் உலகின் முதல் நாட்டுப்புறக் கலைகளுக்காக நிறுவப்பட்ட பல்கலைக்கழகம் என்று கூறப்படுகிறது.^[4] இது 16 சூன் 2012 அன்று அப்போதைய கருநாடக முதல்வர் டி. வி. சதானந்த கவுடாவால் திறந்து வைக்கப்பட்டது. இப்பல்கலைக்கழகம் கருநாடாகவில் சிகாவ்ன், கோடகோடியில் அமைந்துள்ளது.^[3] இங்கு நாட்டார் வழக்காற்றியலின் பல்வேறு துறைகளில் முதுகலை, மேலாண்மை, ஆய்வு நிறைஞர் மற்றும் முனைவர் பட்டப் படிப்புகளை வழங்குகிறது.^[3]

துறைகள்

பொது நாட்டுப்புறவியல்

• நாட்டுப்புறவியல் ஆய்வுகள் துறை

வாய்மொழி நாட்டுப்புறவியல்

• நாட்டுப்புற இலக்கிய ஆய்வுத் துறை

பாரம்பரிய நாட்டுப்புறக் கலைகள்

• நாட்டுப்புறக் கலைகளில் ஆய்வுத் துறை

பாரம்பரிய அறிவியல் மற்றும் தொழில்நுட்பம்

• பாரம்பரிய அறிவு அமைப்புகளின் ஆய்வுத் துறை

உரைவடிவ ஆய்வுகள்

• கிராமப்புற மற்றும் பழங்குடியினர் பெண்கள் மற்றும் குழந்தைகளுக்கான ஆய்வுத் துறை
• மகளிர் ஆய்வுகள் துறை
• பழங்குடியினர் ஆய்வுத் துறை

பயன்பாட்டு நாட்டுப்புறவியல்

• சுற்றுலா மற்றும் பயண மேலாண்மைத் துறை
• இதழியல் மற்றும் மக்கள் தொடர்பியல் துறை
• கிராமப்புற மற்றும் பழங்குடியினர் மேலாண்மைத் துறை

சமூக அறிவியல்

• சமூகவியல் துறை
• சமூகப் பணித் துறை
• பொருளியல் துறை

மானுடவியல்

• கன்னடம் மற்றும் நாட்டுப்புறவியல் துறை
• ஆங்கிலத் துறை
• காட்சிக் கலைத் துறை
• ஊடக நிகழ்த்துக் கலைத் துறை