காஞ்சிபுரம் முக்கால ஞானேசுவரர் கோயில்

காஞ்சிபுரம் முக்கால ஞானேசுவரர் கோயில் (முக்கால ஞானேசம்) என அறியப்பட்ட இது, காஞ்சியிலுள்ள சிவக் கோயில்களில் ஒன்றாகும். மேலும், இம்மூலவரை திரிகால ஞானேஸ்வரர் என்றும் அழைக்கப்படும் இக்கோவில் குறிப்புகள், காஞ்சி புராண படலத்துள் உட்கோயில்களாகச் சொல்லப்பட்டுள்ளது.^[1]

காஞ்சிபுரம் முக்கால ஞானேசம்.
பெயர்
பெயர்:	காஞ்சிபுரம் முக்கால ஞானேசம்.
அமைவிடம்
ஊர்:	காஞ்சிபுரம்
மாவட்டம்:	காஞ்சிபுரம்
மாநிலம்:	தமிழ்நாடு
நாடு:	இந்தியா
கோயில் தகவல்கள்
மூலவர்:	முக்கால ஞானேஸ்வரர்.

இறைவர், வழிபட்டோர்

• இறைவர்: முக்கால ஞானேஸ்வரர்.
• வழிபட்டோர்: முனிவர்கள் சிலர்.

தல வரலாறு

முனிவர்கள் சிலர், முக்காலத்தையும் உணர்ந்தறியும் ஞானத்தைப் பெறும்பொருட்டு, சிவலிங்கம் பிரதிட்டை செய்து வழிபாடாற்றிய தலம். என்பது இத்தல வரலாறு.^[2]

தல பதிகம்

• பாடல்: (திரிகால ஞானேசம்)

அனைய சூழலின் குணாதுமுக் காலமும் அறிவான்

முனிவர் சிற்சிலர் எய்திமுன் இலிங்கம்ஒன் றிருத்தி

இனிய பூசனை இயற்றிட அவர்க்கது ஈந்தார்

கனியும் அன்பருக் கருளும்முக் காலஞா னேசம்.

• பொழிப்புரை:

அத்தகைய வரைப்பினுக்குக் கிழக்கின் கண்ணது முக்காலங்களையும்

அறியும் அறிவு பெறற் பொருட்டு முனிவரர் சிலர் அடைந்து சிவலிங்கம்

நிறுவி இனிய சிவபூசனையைப்புரிய அவர் தமக்கு முக்கால உணர்வை ஈந்த

பிரானார் பழுத்த அன்பினர்க்கு அருளுதல் புரியும் திரிகால ஞானேசம்.^[3]

அமைவிடம்

தமிழ்நாட்டிலுள்ள காஞ்சிபுரம் மாவட்டத்தின் தலைநகரான காஞ்சிபுரத்தின் நடுப்பகுதியில் காஞ்சிபுரம் பேருந்து நிலையத்தினுள்ளே இக்கோயில் உள்ளது. மேலும், தமிழ்நாட்டின் தலைநகர் சென்னையிலிருந்து 75 கிலோமீட்டர் தொலைவிலுள்ள, காஞ்சிபுரம் பேருந்து நிலையத்தின் உட்புறத்தில் மேற்கு பார்த்த சன்னதியாக இக்கோவில் அமைந்துள்ளது.^[4]