காமதேனு வாகனம்

காமதேனு வாகனம் உரிய கடவுள்: அம்மன் காமதேனு வாகனம் என்பது சிவாலயங்களில் அம்மனின் வாகனமாக உள்ளது. கோலோகம் என்ற தனி உலகத்தில் காமதேனு வசிப்பதாகவும், தேவலோகத்தில் வசிப்பதாகவும் கருத்துக்கள் உள்ளன. காமதேனு அனைத்து பசுக்களுக்கும் தாயாகவும், மந்திர சக்தி கொண்டதாகவும், இனிப்பான பாலை சுரப்பதாகவும் வர்ணிக்கப்படுகின்றன. [1] காமதேனு அளவில்லா பாலைச் சரப்பது போலவே அன்னபூரணி தேவி, அளவில்லா அன்னம் வழங்கும் சக்தியுடைய கடவுள் என்பதால் தேவியின் வாகனமாக காமதேனு உள்ளது.[1] வாகன அமைப்பு காமதேனு உடல் ஒரு பசுவினுடையதாகவும், முகம் இரு கொம்புகளைக் கொண்ட ஒரு பெண்ணினுடையதாகவும் உள்ளது. காமதேனுவின் வால் மயில் தோகையைப் போல் அமைந்துள்ளது.[1] கோயில்களில் உலா நாட்கள் கோயம்புத்தூர் நகரின் காவல் தெய்வமாக கோனியம்மன் கருதப்படுகிறது. காமதேனு வாகனத்தில் கோனியம்மன் வீதியுலா தேர்திருவிழாவின் போது நடைபெறுகிறது. கோவிலில் இருந்து இசை வாத்தியங்கள் முழங்க வாகனம் புறப்பட்டு, பெரிய கடைவீதி, வைசியாள் வீதி, ராஜவீதி, தேர்நிலைத்திடல் வழியாக மீண்டும் கோவிலை வந்தடைகிறது.[2] இவற்றையும் காண்க இந்து சமயம் வலைவாசல் விக்கிமீடியா பொதுவகத்தில், Hindu Gods Vaganas drawings என்பதில் ஊடகங்கள் உள்ளன. கண்ட பேரண்ட பட்சி வாகனம் தாரகாசுர வாகனம் அதிகார நந்தி வாகனம் புருசா மிருக வாகனம் ஆதாரங்கள் புத்தகம்:தமிழகக் கோயில் வாகனங்கள். ஆசிரியர்:சக்கரவர்த்தி, பிரதீப். பக்கம் 21 "காமதேனு வாகனத்தில் கோனியம்மன் வீதி உலா". Dinamalar. வெளி இணைப்புகள் சிவகாசி பத்திரகாளியம்மன் காமதேனு வாகனத்தில் சிறப்பு அலங்காரத்தில் எழுந்தருளினர் - தினத்தந்தி ஏப்ரல் 07, 2022- வியாழக்கிழமை – மூன்றாம் நாள் - கைலாச பர்வதம், காமதேனு வாகனம் காமதேனு வாகனத்தில் வலம் வரும் மீனாட்சி அம்மன்