கேதாரகௌளை

கேதாரகௌளை இராகம் கருநாடக இசையில் பயன்படும் இராகங்களில் ஒன்றாகும். இது இருபத்தெட்டாவது மேளகர்த்தா இராகமும், "பாண" என்று அழைக்கப்படும் ஐந்தாவது சக்கரத்தின் நான்காவது இராகமுமாகிய அரிகாம்போதியின் ஜன்னிய இராகம் ஆகும்.

இலக்கணம்

கேதாரகௌளை ஆரோகணச் சுரங்கள் C யிலிருந்து தொடக்கம்

கேதாரகௌளை அவரோகணச் சுரங்கள் C யிலிருந்து தொடக்கம்

இந்த இராகத்தில் சட்சம் (ச), சதுச்ருதி ரிசபம் (ரி₂), சுத்த மத்திமம் (ம₁), பஞ்சமம் (ப), கைசிக நிசாதம் (நி₂), சதுச்ருதி தைவதம் (த₂), அந்தர காந்தாரம் (க₃) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு:

ஆரோகணம்:	ச ரி2 ம1 ப நி2 ச்
அவரோகணம்:	ச் நி2 த2 ப ம1 க3 ரி2 ச

இந்த இராகத்தில் எல்லாச் சுரங்களும் முழுமையாக அமையாததால் இது ஒரு வர்ஜ இராகம் ஆகும். இதன் ஆரோகணத்தில் 5 சுரங்களும் அவரோகணத்தில் 7 சுரங்களும் உள்ளன. இதனால் இது "ஔடவ-சம்பூரண" இராகம் எனப்படுகின்றது. இதன் அவரோகணத்தில் காந்தாரம் ஒழுங்கு மாறி வருவதால் இது ஒரு வக்கிர இராகம் ஆகும்.

இவற்றையும் பார்க்கவும்

• ஜன்னிய இராகங்களின் பட்டியல் - அகரவரிசைப் பகுப்பு

உசாத்துணைகள்

• Dr. S. Bhagyalekshmy, Ragas in Carnatic Music, CBH Publications, Trivandrum, Published 1990
• B. Subba Rao, Raganidhi, The Music Academy, Madras, Published 1965, 4th reprint 1996

வெளியிணைப்புகள்

• கர்நாட்டிகா இணையத்தள அகராதி