சதீஷ் சிவலிங்கம்

சதீஷ் சிவலிங்கம் (Sathish Sivalingam, பிறப்பு: சூன் 23, 1992) 2014 பொதுநலவாய விளையாட்டுக்கள், 2018 பொதுநலவாய விளையாட்டுக்கள் ஆகியவற்றில் பாரம் தூக்குதல் – ஆடவர் 77 கிலோ போட்டிகளில் தங்கப் பதக்கம் வென்ற இந்திய பளுதூக்குனர் ஆவார்.^[2]

சதீஷ் சிவலிங்கம்

பளு தூக்குதலுக்காக சதீஷ்குமார் சிவலிங்கத்திற்கு 2015 ஆம் ஆண்டிற்கான அர்ஜுனா விருதை குடியரசுத் தலைவர் பிரணாப் முகர்ஜி வழங்கினார்.
தனிநபர் தகவல்
தேசியம்	இந்தியர்
பிறப்பு	23 சூன் 1992 (1992-06-23) (அகவை 33) வேலூர், தமிழ்நாடு, இந்தியா
உயரம்	1.75 m (5 அடி 9 அங்) (2014)
எடை	76 kg (168 lb) (2014)
விளையாட்டு
நாடு	இந்தியா
விளையாட்டு	பளு தூக்குதல்
நிகழ்வு(கள்)	77 கிலோ
பயிற்றுவித்தது	திரு.நாகராஜன்[1]
பதக்கத் தகவல்கள் ஆடவருக்கான பளு தூக்குதல் நாடு  இந்தியா பொதுநலவாய விளையாட்டுக்கள் 2014 கிளாசுக்கோ – ஆடவர் 77 கிலோ 2018 கோல்டுகோஸ்டு – ஆடவர் 77 கிலோ
7 ஏப்ரல் 2018 இற்றைப்படுத்தியது.

இயற்வாழ்க்கை

வேலூர் மாவட்டத்திலுள்ள சத்துவாச்சாரியில் உள்ள அட்லஸ் உடற்பயிற்சி மையத்தில் பயிற்சி பெற்ற சதீஷ் சிவலிங்கம், 2007ல் தமிழ்நாடு விளையாட்டு மேம்பாட்டு ஆணையத்தில் சேர்ந்து நாகராஜ் என்பவரிடம் பயிற்சி பெற்றார்.

விளையாட்டு வாழ்வு

• பள்ளி, மாவட்ட, மாநில, தேசிய அளவில் சப்-ஜூனியர், ஜூனியர் என பல தங்க பதக்கங்களைக் குவித்த இவர், சீனியர் பிரிவுக்கு முன்னேறினார்.
• 2011இல் பெங்களூருவில் நடைபெற்ற தேசிய சீனியர் பளுதூக்கும் போட்டியில் வெள்ளிப்பதக்கம் வென்றார்.
• 2011இல் தென்னக ரயில்வேயின் எழுத்தர் பணியில் சேர்ந்த இவர், 2011, 2012, 2013 ஆகிய மூன்று ஆண்டுகள் தங்கப் பதக்கம் வென்றார்.^[3]
• இசுக்கொட்லாந்தில் கிளாஸ்கோ நகரில் நடைபெற்ற 2014 பொதுநலவாய விளையாட்டுக்களில், சிவலிங்கம் 77 கிலோ வகைப்பாட்டில் தங்கப்பதக்கம் வென்றார்; இசுநாட்சில் 149 கிலோவும் கிளீன் & ஜெர்க்கில் 179 கிலோவுமாக மொத்தம் 328 கிலோ எடையைத் தூக்கி உள்ளார். இசுநாட்சில் 149 கிலோ தூக்கியது புதிய போட்டிச் சாதனையாகும்.^[4][5]
• ஆஸ்திரேலியாவின் கோல்ட்கோஸ்டு நகரில் நடந்த 21வது பொதுநலவாய விளையாட்டுக்களில், சிவலிங்கம் 77 கிலோ வகைப்பாட்டில் மீண்டும் தங்கப்பதக்கம் வென்றார்; இசுநாட்சில் 144 கிலோவும் கிளீன் & ஜெர்க்கில் 173 கிலோவுமாக மொத்தம் 317 கிலோ எடையைத் தூக்கினார்.^[6]

பெற்ற விருதுகள்

• அருச்சுனா விருது, 2015