சாமா

சாமா இராகம் கருநாடக இசையில் பயன்படும் இராகங்களில் ஒன்றாகும். இது இருபத்தெட்டாவது மேளகர்த்தா இராகமும், "பாண" என்று அழைக்கப்படும் ஐந்தாவது சக்கரத்தின் நான்காவது இராகமுமாகிய அரிகாம்போதியின் ஜன்னிய இராகம் ஆகும். பண்டைய தமிழிசைப் பண்களில் ஆந்தாளிக்குறிஞ்சி என்னும் பெயருடன் அழைக்கப்படுகிறது.^[1]

இலக்கணம்

சாமா ஆரோகண சுரங்கள் C யிலிருந்து தொடக்கம்

சாமா அவரோகண சுரங்கள் C யிலிருந்து தொடக்கம்

இந்த இராகத்தில் சட்சம் (ச), சதுச்ருதி ரிசபம் (ரி₂), சுத்த மத்திமம் (ம₁), பஞ்சமம் (ப), சதுச்ருதி தைவதம் (த₂), அந்தர காந்தாரம் (க₃), சதுச்ருதி ரிசபம் (ரி₂) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு^[2]:

ஆரோகணம்:	ச ரி2 ம1 ப த2 ச்
அவரோகணம்:	ச் த2 ப ம1 க3 ரி2 ச

இந்த இராகத்தில் எல்லாச் சுரங்களும் முழுமையாக அமையாததால் இது "வர்ஜ" இராகம் எனப்படும். இதன் ஆரோகணத்தில் 5 சுரங்களும் அவரோகணத்தில் 6 சுரங்களும் உள்ளன. இதனால் இது "ஔடவ சாடவ" இராகம் எனப்படுகின்றது.