சிங்கப்பூரின் தேசிய அருங்காட்சியகம்

சிங்கப்பூரின் தேசிய அருங்காட்சியகம் (National Museum of Singapore) என்பது சிங்கப்பூரின் பழமையான அருங்காட்சியமாகும். இந்த அருங்காட்சியகத்தின் வரலாறு 1849 ஆம் ஆண்டிலிருந்து தொடங்கப்பட்டுள்ளது. சிங்கப்பூர் நிறுவனத்தில் நூலகத்தின் ஒரு பகுதியாகத் தொடங்கப்பட்டு ராஃபிள்ஸ் நூலகம் மற்றும் அருங்காட்சியகம் என்று அழைக்கப்பட்டது . பல இடமாற்றங்களுக்குப் பிறகு, 1887 ஆம் ஆண்டில் இது அருங்காட்சியக திட்டமிடல் பகுதியில் ஸ்டாம்போர்ட் சாலையில் உள்ள நிரந்தர இடத்திற்கு மாற்றப்பட்டது.

சிங்கப்பூரின் தேசிய அருங்காட்சியகம்
அமைவிடம்	அருங்காட்சியக திட்டமிடல் பகுதி, இசுடான்போர்டு சாலை, சிங்கப்பூர் 178897
ஆள்கூற்றுகள்	1°17′48.2″N 103°50′55.1″E
கட்டப்பட்டது	1849; 176 ஆண்டுகளுக்கு முன்னர் (1849)
கட்டிட முறை	புதிய பல்லாடியோ வகை கட்டிடக்கலை, மறுமலர்ச்சி (ஐரோப்பா)
நிர்வகிக்கும் அமைப்பு	தேசிய பாரம்பரிய வாரியம் (சிங்கப்பூர்)
இணையதளம்	nationalmuseum.sg
National monument of Singapore
தெரியப்பட்டது	14 பெப்ரவரி 1992
சிங்கப்பூர் இல் சிங்கப்பூரின் தேசிய அருங்காட்சியகம் அமைவிடம்

இந்த அருங்காட்சியகமானது சிங்கப்பூரின் வரலாறு தொடர்பான காட்சிப்பொருள்களின் மீது கவனம் செலுத்துகிறது. இது நாட்டின் நான்கு தேசிய அருங்காட்சியகங்களில் ஒன்றாகும். மற்ற மூன்று அருங்காட்சியகங்களில் ஒன்று எம்பிரஸ் பிளேஸ் கட்டிடம் மற்றும் பழைய தாவோ நான் பள்ளி மற்றும் சிங்கப்பூர் கலை அருங்காட்சியகம் ஆகியவை ஆகும். 1965 ஆம் ஆண்டில் சிங்கப்பூரின் தேசிய அருங்காட்சியகம் என்று பெயரிடப்பட்டது; 1993 மற்றும் மார்ச் 2006 க்கு இடையில், இது சிங்கப்பூர் வரலாற்று அருங்காட்சியகம் என்று அழைக்கப்பட்டது .

சிங்கப்பூரின் தேசிய அருங்காட்சியகம் மூன்றரை ஆண்டு மறுசீரமைப்பிற்குப் பிறகு 2006ஆம் ஆண்டு டிசம்பர் 2 ஆம் நாள் மீண்டும் திறக்கப்பட்டது. சிங்கப்பூரின் முன்னாள் ஜனாதிபதி எஸ்.ஆர். நாதன் மற்றும் தகவல் தொடர்பு மற்றும் கலை அமைச்சர் ஆகியோரால் அதிகாரப்பூர்வமாக மீண்டும் திறக்கப்பட்டது.^[1] அதே ஆண்டு டிசம்பர் 8 ஆம் நாள் சிங்கப்பூர் வரலாற்று காட்சியகம் திறக்கப்பட்டது.

வரலாறு

கிழக்கு பிரிவு

இந்த அருங்காட்சியகம் 1849 ஆம் ஆண்டில் அப்போதைய சிங்கப்பூர் நிறுவனக் குழுவால் நிறுவப்பட்டது. இது ராஃபிள்ஸ் நூலகம் மற்றும் அருங்காட்சியகம் என்று அழைக்கப்பட்டது. சிங்கப்பூர் மற்றும் ஆசியாவின் பிற இடங்களிலிருந்து வரலாற்று மற்றும் தொல்பொருள் மதிப்புள்ள பொருட்களைக் காட்சிப்படுத்தியது. இந்த அருங்காட்சியகம் ஒரு பள்ளி, அருங்காட்சியகம் மற்றும் நூலகத்தில் மலாயன் அறிவின் பொதுவான களஞ்சியமான நிறுவனத்தின் ஒரு பகுதியாகும். 1823 ஆம் ஆண்டில் சர் இசுடாம்போர்டு இராஃபிள்சு அழைத்திருந்த பிராந்தியத்தின் கலாச்சார பாரம்பரியத்தின் மறுமலர்ச்சி குறித்து விவாதிப்பதற்கான கூட்டத்திலிருந்து இந்த நோக்கத்தைக் கண்டறிய முடியும். இந்த அருங்காட்சியகம் சிங்கப்பூர் நிறுவனத்தின் நூலகத்தின் ஒரு பகுதியை ஆக்கிரமித்து, பின்னர் ராஃபிள்ஸ் நிறுவனமாக மாறியது. 1874 ஆம் ஆண்டில், அருங்காட்சியகம் டவுன்ஹால் பகுதிக்கு (இப்போது விக்டோரியா தியேட்டர் மற்றும் கச்சேரி அரங்கம் என்று அழைக்கப்படுகிறது) மாற்றப்பட்டது. இருப்பினும், அருங்காட்சியகத்தில் வளர்ந்து வரும் சேகரிப்பின் காரணமாக, இது 1876 ஆம் ஆண்டில் சிங்கப்பூர் நிறுவனத்திற்கு மாற்றப்பட்டது, இது நிறுவனத்தின் புதிய பிரிவில் அமைந்துள்ளது.

ராஃபிள்ஸ் நூலகம் மற்றும் அருங்காட்சியகம் பின்னர் இசுடாம்போர்டு சாலைக்கு 1882ஆம் ஆண்டில் காலனித்துவ அரசாங்கத்தால் நியமிக்கப்பட்ட ஒரு புதிய கட்டிடத்தில் மாற்றப்பட்டது. இந்த அருங்காட்சியகம் அதிகாரப்பூர்வமாக அக்டோபர் 12, 1887 அன்று திறக்கப்பட்டது. இந்த ஆண்டானது விக்டோரியா மகாராணியின் பொன்விழாவையும் குறித்தது. இந்த அருங்காட்சியகத்தின் நூலகமானது மலாய் மொழியில் உள்ளூர் மக்களால் ரூமா கிதாப் (புத்தகங்களுக்கான வீடு) அல்லது டெம்பட் கிதாப் (புத்தகங்களுக்கான இடம்) என்று குறிப்பிடப்படுகிறது. இந்த அருங்காட்சியகத்தை சர் என்றி மெக்கல்லம் வடிவமைத்தார், ஆனால் காலனித்துவ அலுவலகம் ஆரம்பத்தில் வழங்கப்பட்ட முன்மொழிவினை நிராகரித்ததால், பின்னர் அளவில் குறைக்கப்பட்ட திட்டமானது பயன்படுத்தப்பட்டது. மேஜர் ஜே.எஃப். மெக்நாயர் பிந்தைய அமைப்பை இணைந்து வடிவமைத்தார்.

ஆரம்ப ஆண்டுகளில், இந்த அருங்காட்சியகமானது இரண்டாம் உலகப் போருக்கு முன்னர் தென்கிழக்கு ஆசியாவின் குறிப்பாக மலாயா மற்றும் பிரித்தானிய போர்னியோவின் விலங்கியல் மற்றும் இனவரைவியல் தொடர்பான சேகரிப்புகளுக்கு நன்கு அறியப்பட்டிருந்தது. அருங்காட்சியகமானது ஆராய்ச்சி, அறிவு, இயக்குனர்கள், அருங்காட்சியக பாதுகாப்பாளர்கள் உட்பட நல்ல ஆராய்ச்சி சாதனைகளின் வல்லுனர்களின் மையமாக இருந்தது. விலங்கியலில் ரிச்சர்ட் ஏனிட்ஷ்H, ஜான் மவுல்டன், செசில் போடென் க்ளோஸ், பிரடெரிக் சேசென் மற்றும் மானுடவியலாளர்களான எச்டி கோலிங்ஸ் மற்றும் கிப்சன்-ஹில் மேலும் பறவையியல், மலாய் வரலாறு, இனவியல் மற்றும் புகைப்படம் எடுத்தல் ஆகியவற்றில் ஆர்வம் கொண்டிருந்தவர்கள் இந்த அருங்காட்சியகத்தோடு நெருங்கிய தொடர்பு கொண்டிருந்தார்கள்.