சியாமளாங்கி

சியாமளாங்கி கருநாடக இசையின் 55வது மேளகர்த்தா இராகம் ஆகும். அசம்பூர்ண பத்ததியில் 55ஆவது இராகத்திற்கு சியாமளம் என்ற பெயர் கொடுக்கப்பட்டுள்ளது.^[1][2][3]

இலக்கணம்

சியாமளாங்கி சுரங்கள் C யிலிருந்து தொடக்கம்

ஆரோகணம்:	ஸ ரி2 க2 ம2 ப த1 நி1 ஸ்
அவரோகணம்:	ஸ் நி1 த1 ப ம2 க2 ரி2 ஸ

• இது திசி என்றழைக்கப்படும் 10ஆவது வட்டத்தில் (சக்கரத்தில்) முதல் மேளம்.
• இந்த இராகத்தில் ஷட்ஜம், சதுஸ்ருதி ரிஷபம் (ரி₂), சாதாரண காந்தாரம்(க₂), பிரதி மத்திமம்(ம₂), பஞ்சமம், சுத்த தைவதம்(த₁), சுத்த நிஷாதம் (நி₁) ஆகிய சுரங்கள் வருகின்றன.
• இதன் மத்திமத்தை சுத்த மத்திமமாக மாற்றினால் இராகம் ஜங்காரத்வனி (19) ஆகும்.
• கிரக பேதத்தின் வழியாக இந்த மேளத்தின் பஞ்சம, தைவத சுரம் முறையே கானமூர்த்தி (03), விஷ்வம்பரி (54) மேளங்கள் தோற்றுவிக்கிறது (மூர்ச்சனாகாரக மேளம்).

உருப்படிகள்

வகை	உருப்படி	இயற்றியவர்	தாளம்
கிருதி	சியாமளாங்கி ஜலயேலோசன	மங்களம்பள்ளி பாலமுரளிகிருஷ்ணா‎	ஜம்ப
கிருதி	சியாமளாங்கி	முத்துசாமி தீட்சிதர்	ஆதி