சிலந்தி (திரைப்படம்)

சிலந்தி (Silandhi) என்பது 2008 ஆம் ஆண்டு வெளியான தமிழ் பரபரப்பூட்டும் திரைப்படம் ஆகும்.^[1] அறிமுக இயக்குநர் ஆதிராஜ் இயக்கிய இப்படத்தில் முன்னா, மோனிகா ஆகியோர் முக்கிய வேடங்களில் நடித்தனர். மேலும் ரியாஸ் கான் துணை வேடத்தில் நடித்துள்ளார். இந்த திரைப்படம் பின்னர் தெலுங்கில் எர்ர குலாபி என்றும், இந்தியில் ஜால் - தி நெட் என்ற பெயரிலும் மொழிமாற்றம் செய்யப்பட்டது. மேலும் இப்படமானது கன்னடத்தில் விஜய் ராகவேந்திரா, ஹரிப்பிரியா ஆகியோர் முக்கிய கதாபாத்திரங்களில் நடிக்க ரணதந்திரா என்ற பெயரில் 2014 இல் இயக்குனரால் மறு ஆக்கம் செய்யப்பட்டது.இது திரைப்படம் ஐ நோ வாட் யூ டிட் லாஸ்ட் சம்மர் என்ற ஆங்கில திரைப்படத்தை அடிப்படையாகக் கொண்டது.^[2]

சிலந்தி
இயக்கம்	ஆதிராஜ்
இசை	நீல் முகர்ஜி
நடிப்பு	முன்னா மோனிகா ரியாஸ் கான்
ஒளிப்பதிவு	போசியா பாத்திமா
வெளியீடு	9 மே 2008 (2008-05-09)
ஓட்டம்	160 நிமிடங்கள்
நாடு	இந்தியா
மொழி	தமிழ்

சுருக்கம்

இந்த படம் புது ஜோடிகளான மகேஷ் ( முன்னா ), மோனிகா ( மோனிகா ) ஆகியோரைப் பற்றியது. திருமணத்திற்குப் பின் தேனிலவுக்கு அவர்கள் தனிமையான இடத்தில் உள்ள வீட்டிற்குச் செல்கின்றனர். அந்த வில்லாவில் இயற்கைக்கு மாறான சில விஷயங்கள் நடக்கின்றன.

நடிகர்கள்

• முன்னா மகேஷாக
• மோனிகா மோனிகாவாக
• ரியாஸ் கான் காவல் அதிகாரியாக
• சந்துரு
• நெல்லை சிவா
• கணேஷ் பாபு
• ஜெகன்