சுசரித்ர

சுசரித்ர கருநாடக இசையின் மேளகர்த்தா இராகங்களில் 67ஆவது இராகம் ஆகும். அசம்பூர்ண பத்ததியில் 67ஆவது இராகத்திற்கு ஸந்தான மஞ்சரி என்ற பெயர் கொடுக்கப்பட்டுள்ளது.^[1][2]

இலக்கணம்

சுசரித்ர சுரங்கள் C யிலிருந்து தொடக்கம்

ஆரோகணம்:	ஸ ரி3 க3 ம2 ப த1 நி1 ஸ்
அவரோகணம்:	ஸ் நி1 த1 ப ம2 க3 ரி3 ஸ

• இது ஆதித்ய என்றழைக்கப்படும் 12ஆவது வட்டத்தில் (சக்கரத்தில்) முதல் மேளம்.
• இந்த இராகத்தில் ஷட்ஜம், ஷட்சுருதி ரிஷபம் (ரி₃), அந்தர காந்தாரம்(க₃), பிரதி மத்திமம்(ம₂), பஞ்சமம், சுத்த தைவதம்(த₁), சுத்த நிஷாதம் (நி₁) ஆகிய சுரங்கள் வருகின்றன.

சிறப்பு அம்சங்கள்

• இது ஒரு விவாதி மேளம்.
• நீண்ட ஆலாபனைக்கு இடம் கொடாத ராகம்.
• இதன் மத்திமத்தை சுத்த மத்திமமாக மாற்றினால் இராகம் யாகப்பிரியா (31) ஆகும்.
• கிரக பேதத்தின் வழியாக எந்த மேளகர்த்தா இராகமும் தோற்றுவிக்காது. (மூர்ச்சனாகாரக மேளம் அல்ல).

உருப்படிகள்

• கிருதி : ஸந்தான மஞ்சரி, முத்துசாமி தீட்சிதர், ஆதி தாளம்
• கிருதி : வேலு மயிலே, கோடீஸ்வர ஐயர், ரூபக தாளம்
• கிருதி : சிந்தயாமி சந்ததம், மங்களம்பள்ளி பாலமுரளிகிருஷ்ணா, ஜம்ப தாளம்