செராஸ்–காஜாங் விரைவுச்சாலை

செராஸ்–காஜாங் விரைவுச்சாலை (மலாய்; Lebuhraya Cheras–Kajang; ஆங்கிலம்: Cheras–Kajang Expressway; சீனம்: 蕉赖—加影大道 என்பது தீபகற்ப மலேசியா கிள்ளான் பள்ளத்தாக்கு பகுதியில் 11.5 கிலோமீட்டர் (7.1 மைல்) கட்டுப்படுத்தப்பட்ட விரைவுச்சாலையாகும். இந்த விரைவுச்சாலை கோலாலம்பூர்–சிலாங்கூர் எல்லையில் உள்ள செராஸ் புறநகர்ப் பகுதிக்கும் சிலாங்கூரில் உள்ள காஜாங் நகருக்கும் இடையில் செல்கிறது.

Expressway 7
செராஸ்–காஜாங் விரைவுச்சாலை Cheras–Kajang Expressway Lebuhraya Cheras–Kajang
செராஸ் பத்து 9 சுங்கச் சாவடி
வழித்தடத் தகவல்கள்
பராமரிப்பு : கிராண்ட் சாகா நிறுவனம்
நீளம்:	11.5 km (7.1 mi)
பயன்பாட்டு காலம்:	தொடக்கம்: 1998 –
வரலாறு:	நிறைவு: 1999
முக்கிய சந்திப்புகள்
வடக்கு முடிவு:	செராஸ் நெடுஞ்சாலை - செராஸ், கோலாலம்பூர், சிலாங்கூர்
	சுங்கை பீசி-உலு கிள்ளான் பாலாக்கோங் சாலை செராஸ்–காஜாங் சாலை  சுங்கை பீசி-உலு கிள்ளான் விரைவுச்சாலை
தெற்கு முடிவு:	காஜாங் புறவழிச்சாலை - காஜாங், சிலாங்கூர்
அமைவிடம்
முதன்மை இலக்குகள்:	கோலாலம்பூர், பெட்டாலிங் ஜெயா, செராஸ், காஜாங், செமினி, சிரம்பான்
நெடுஞ்சாலை அமைப்பு
மலேசிய நெடுஞ்சாலைகள் விரைவுச் சாலை கூட்டரசு மாநிலம்

இந்த விரைவுச்சாலை, காஜாங் மற்றும் செராஸ் நகரங்களுக்கு இடையிலான ஒரு பெரிய சாலை விரிவாக்கத்தின் ஒரு பகுதியாகும். விரைவுச்சாலையின் கட்டுமானம் 1998-ஆம் ஆண்டின் பிற்பகுதியில் முடிவடைந்தது. RM 275 மில்லியன் செலவில் கட்டப்பட்ட இந்த விரைவுச்சாலை 15 சனவரி 1999 அன்று செயல்படத் தொடங்கியது.^[1]

பொது

மலேசியாவின் முதல் எட்டு வழி இரட்டைச் சாலைகளில் செராஸ்-காஜாங் விரைவுச்சாலை ஒன்றாகும். இந்த விரைவுச் சாலையில் ஓர் ஓய்வுப் பகுதி; ஒரு சேவைப் பகுதி; மற்றும் ஒன்பது சந்திப்புப் பகுதிகள் உள்ளன. இணைக்கப்பட்ட பகுதிகளின் போக்குவரத்தில், இந்த விரைவுச் சாலை கணிசமான அளவிற்குப் போக்குவரத்தைப் பெற்றுள்ளது.^[2]

சுங்கக் கட்டணங்கள்

பத்து 9 மற்றும் பத்து 11 சுங்கச் சாவடிகளில், விரைவான பரிவர்த்தனையை எளிதாக்கும் முயற்சியின் ஒரு பகுதியாக, சனவரி 13, 2016 முதல், செராஸ்-காஜாங் விரைவுச் சாலையில் உள்ள இரண்டு சுங்கச் சாவடிகளின் அனைத்து பரிவர்த்தனைகளும் தொட்டு செல் அட்டைகள் அல்லது திறன் அட்டைகள் (SmartTAG) எனும் மின்னணு முறையில் நடத்தப்படுகின்றன.^[1]

(அக்டோபர் 15, 2015 முதல்)

பிரிவு	வாகனங்களின் வகை	கட்டணம் (மலேசிய ரிங்கிட் (RM))
		பத்து 9	பத்து 11
0	விசையுந்துகள்	இலவசம்
1	தனியார் ஊர்திகள் (2 அச்சுகள் மற்றும் 3 அல்லது 4 சக்கரங்கள் கொண்ட வாகனங்கள் (வாடகை உந்து மற்றும் பேருந்து தவிர)	1.30
2	கூடு உந்துகள் மற்றும் பிற சிறிய சரக்கு வாகனங்கள் (2 அச்சுகள் மற்றும் 6 சக்கரங்கள் கொண்ட வாகனங்கள் (பேருந்து தவிர))	2.60
3	பெரிய சுமையுந்துகள் (3 அல்லது அதற்கு மேற்பட்ட அச்சுகளைக் கொண்ட வாகனங்கள் (பேருந்து தவிர))
4	வாடகை உந்துகள்	0.70
5	பேருந்துகள்	1.00	0.90