சைந்தவி

சைந்தவி இருபத்தோராவது மேளகர்த்தா இராகமும், "வேத" என்று அழைக்கப்படும் நான்காவது சக்கரத்தின் நான்காவது இராகமுமாகிய கரகரப்பிரியாவின் ஜன்னிய இராகம் ஆகும்.

இலக்கணம்

இந்த இராகத்தில் சட்சம் (ச), சதுச்ருதி ரிசபம் (ரி₂)சாதாரண காந்தாரம் (க₂), சுத்த மத்திமம் (ம₁), பஞ்சமம் (ப), சதுச்ருதி தைவதம் (த₂), கைசிக நிசாதம் (நி₂) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு^[1]:

ஆரோகணம்:	நி2த2 நி2ச ரி2 க2 ம1 ப த2 நி2
அவரோகணம்:	த2 ப ம1 க2 ரி2 ச நி2த2 நி2 ச

இந்த இராகத்தில் எல்லாச் சுரங்களும் முழுமையாக அமைந்துள்ளன. இதன் ஆரோகணத்தில் 7 சுரங்களும் அவரோகணத்தில் 7 சுரங்களும் உள்ளன. இதனால் இது "சம்பூர்ண" இராகம் எனப்படுகின்றது.