டிரினிட்டி (அணுகுண்டு சோதனை)

டிரினிட்டி (Trinity) என்பது உலகில் முதன்முதலில் நிகழ்ந்த அணுகுண்டு வெடிப்பு நிகழ்வின் குறிப்பெயர். இந்த அணுகுண்டு சோதனை ஐக்கிய அமெரிக்க இராணுவத்தால் சூலை 16, 1945^{[3][4][5][6][7]} நியூ மெக்சிக்கொவின் சொகோறோவிலிருந்து தென் மேற்காக 35 மைல்கள் (56 கி.மீ) தூரத்திலுள்ள ஜோர்நாடா டெல்மியோட்டொ பாலைவனத்தில் மேற்கொள்ளப்பட்டது. (இப்பகுதி இப்போது வைட் சான்ட் ஏவுகணை வீச்சு எனப்படுகின்றது.)^[8][9] இத்திகதியே அணுவாயுத உற்பத்திக்கான தொடக்கமாகக் கருதப்டுகின்றது.

முதலாவது அணுகுண்டு சோதனை 'டிரினிட்டி' சூலை 16, 1945.

டிரினிட்டி இடம்
ஐ.அ. தேசிய வரலாற்று இடங்கள் பதிகை
ஐ.அ. தேசிய வரலாற்று அடையாள மாவட்டம்
டிரினிட்டி நினைவிட கல்தூண்
அமைவிடம்:	வைட் சான்ட் ஏவுகணை வீச்சு
அண்மை நகரம்:	சான் அன்டோறியோ, நியூ மெக்சிக்கோ
கட்டியது:	1945
தே.வ.இ.பவில் சேர்ப்பு:	அக்டோபர் 15, 1966 [1]
வகை NHLD:	டிசம்பர் 21, 1965 [2]
தே.வ.இ.ப  குறிப்பெண் #:	66000493

டிரினிட்டி புளுடோனியத்தால் ஆன அணுவெடிப்பை ஏற்படுத்தும் கருவி ஆகும். இது த கட்ஜெட் (The Gadget) என்ற செல்லப் பெயர் கொண்டு அழைக்கப்பட்டது.^[10] இதே நுட்பத்தைப் பயன்படுத்தியே ஆகத்து 9, 1945 இல் சப்பானிய நாகசாகி நகரத்தில் வெடிக்கவைக்கப்பட்ட ஃபாட் மேன் உருவாக்கப்பட்டது. டிரினிடி ஏறக்குறைய 20 கிலோடன் நைத்திரொ டொலுயூரின் (trinitrotoluene TNT)க்கு சமமான வெடிசக்தியைக் கொண்டது.