தமிழ்நாடு நுகர்பொருள் வாணிபக் கழகம்

தமிழ்நாடு நுகர்பொருள் வாணிபக் கழகம் (Tamil Nadu Civil Supplies Corporation) அரிசி, கோதுமை, பருப்பு, மண்ணென்ணெய், ரவா, உணவு எண்ணெய் போன்ற உணவுப் பொருட்களை நியாயவிலைக் கடைகள் மூலம் குறைந்த விலையில் மக்களிடையே பொது விநியோகம் செய்வதற்காக இந்நிறுவனத்தை தமிழ்நாடு அரசு 1972-ஆம் ஆண்டில் நிறுவியது.

தமிழ்நாடு நுகர்பொருள் வாணிபக் கழகம்

வகை	பொதுத்துறை நிறுவனம்
நிறுவனர்(கள்)	தமிழ்நாடு அரசு
தலைமையகம்	சென்னை, தமிழ்நாடு, இந்தியா
சேவை வழங்கும் பகுதி	தமிழ்நாடு
முதன்மை நபர்கள்	மேலாண்மை இயக்குநர், (இந்திய ஆட்சிப் பணி)
தொழில்துறை	உணவு தானியங்கள் மற்றும் விளைபொருட்கள் வினியோகம்
உரிமையாளர்கள்	தமிழ்நாடு அரசு
தாய் நிறுவனம்	கூட்டுறவு, உணவு மற்றும் நுகர்வோர் பாதுகாப்புத் துறை
இணையத்தளம்	http://www.tncsc.tn.gov.in/

நோக்கம்

• நெல், கோதுமை, பருப்பு போன்ற பொருட்களை கொள்முதல் செய்வது.
• கொள்முதல் செய்த உணவுப் பொருட்களை தமிழ்நாடு அரசு சேமிப்புக் கிடங்கிகளில் சேமித்து வைத்தல்.
• கொள்முதல் செய்த உணவுப் பொருட்களை பொது விநியோகத் திட்டத்திற்காக நியாயவிலைக் கடைகளுக்கு அனுப்பி வைத்தல்.

நடவடிக்கைகள்

• நெல் போன்ற உணவு தானியங்களை வேளாண் குடிமக்களிடமிருந்து நேரடிக் கொள்முதல் செய்வது.^[1]
• நெல்லை அரைப்பதற்கு 22 நவீன அரிசி ஆலைகளை இயக்குதல் ^[2]
• பொது விநியோகத்திற்காக இந்நிறுவனத்தின் அமுதம் சிறப்பங்காடிகள் ^[3] மூலம் குடும்ப அட்டைதாரர்களுக்கு ரேசன் பொருட்களை வழங்குதல்^[4]
• கடலூர், திருப்பத்தூர் (வேலூர்), பட்டுக்கோட்டை, ஆரணி, திருச்சி, உதகமண்டலம், மண்டபம் மற்றும் இராமேசுவரம் ஆகிய இடங்களில் பெட்ரோல், டீசல் விநியோகம் செய்வதற்கு பங்க்குகளை இயக்குகிறது.^[5]
• உணவு தானியங்களை சேமித்து வைக்க 17 சேமிப்பு கிடங்குகளை இயக்குகிறது.^[6]