தாம் (இந்தியக் காசு)

டாம் அல்லது தாம் (Dam) என்பது இந்தியாவில் வழங்கிய மிகச்சிறிய மதிப்புள்ள செப்பு நாணயம். இதனை முதன்முதலில் சேர் சா சூரி தமது ஆட்சியில் (1540 - 1545) அறிமுகப்படுத்தினார். தங்க நாணயங்களை மொகர் என்றும் வெள்ளி நாணயங்களை ரூபாய் என்றும் செப்புக் காசுகளை டாம் என்றும் குறிப்பிட்டார்.^[1] பிந்தைய முகலாய அரசர்கள் இவற்றை (ரூபாய்), (மொகர்) சீர்தரப்படுத்தி இந்தியாவில் முறையான நாணயவியலை நிலைநிறுத்தினர். ஆங்கில மொழியில் நிலவும் ஐ டோன்ட் கிவ் அ டாம் ( “I don't give a dam[n]″) என்ற சொல்லாடல் இந்த நாணயத்தின் குறைந்த மதிப்பையொட்டியே வந்திருக்கலாம் என சிலர் கருதுகின்றனர்.^[2]