தெமோக் மக்கள்

தெமோக் மக்கள் (ஆங்கிலம்: Temoq People; மலாய்: Suku Temoq) ^[2]என்பவர்கள் மலேசியப் பழங்குடியினர் இனக்குழுவில் மலாய மூதாதையர் பிரிவைச் சேர்ந்தவர்கள் ஆகும்.^[3]

தெமோக் மக்கள்

Temoq People
Suku Temoq

மொத்த மக்கள்தொகை
± 100 (2010)[1]
குறிப்பிடத்தக்க மக்கள்தொகை கொண்ட பகுதிகள்
மலேசியா பகாங்
மொழி(கள்)
தெமோக் மொழி, மலாய் மொழி
சமயங்கள்
பெர்மான் (நாட்டுப்புற மதம்)[1]
தொடர்புள்ள இனக்குழுக்கள்
செமலாய் மக்கள், சக்குன் மக்கள்

தெமோக் மக்கள் ஒராங் அஸ்லியின் 3 முக்கிய குழுக்களில் ஒன்றான புரோட்டோ மலாய் (Proto-Malay) எனும் மலாய மூதாதையர் பிரிவைச் சேர்ந்தவர்கள்.^[4] மலேசியாவின் பகாங் மாநிலத்தில் காணப்படுகிறார்கள்.^[5]

பொது

மலேசிய அரசாங்கம், தீபகற்ப மலேசியாவின் பூர்வீகப் பழங்குடியினரை ஓராங் அஸ்லி (Orang Asli) என்று வகைப்படுத்துகிறது. மலேசிய பழங்குடியினர் மேம்பாட்டு துறையின் (மலாய்: Jabatan Kemajuan Orang Asli (JAKOA); ஆங்கிலம்: Department of Orang Asli Development); கீழ் சிறப்புரிமை பெற்ற 18 தீபகற்ப மலேசியப் பழங்குடி இனக் குழுவினர் உள்ளனர்.^[6]

மொழி, கலாசார அடிப்படையில் அவர்களை மூன்று பெரும் பிரிவுகளாக மலேசிய அரசாங்கம் பிரித்துள்ளது.^[7][8] அந்த மூன்று பெரும் பிரிவுகளில் மலாய மூதாதையர் பிரிவின் கீழ் தெமோக் மக்கள் வகைப்படுத்தப் படுகின்றனர்.

குடியிருப்புகள்

தெமோக் மக்கள் தீபகற்ப மலேசியாவின் பகாங் மாநிலத்தில் இரண்டு கிராமங்களில் வசிக்கின்றனர்.^[9] அதாவது:

• பகாங் மாநிலத்தின் செமலாய் மக்கள்: பெரா ஏரியின் கிழக்குப் பகுதியில் வாழும் ஒரு பிரிவினர்;^[1]
• பகாங் மாநிலத்தின் செமலாய் மக்கள்: சினி ஏரியின் தென் பகுதியில் வாழும் ஒரு பிரிவினர்;

இவர்கள் சக்குன் மக்கள் மற்றும் செமலாய் மக்கள் வாழும் குடியிருப்புகளுக்கு இடையில் தங்களின் குடியிருப்புகளை அமைத்துள்ளனர்.^[10]

தெமோக் மக்கள் தொகை

தெமோக் மக்கள் தொகை பின்வருமாறு:-

ஆண்டு	1960[11]	1965[11]	1969[11]	1974[11]	1980[11]	1996[11]	2010
மக்கள் தொகை	51	52	100	N/A	N/A	N/A	≥ 100

மேலும் காண்க

• செமலாய் மக்கள்
• பாத்தேக் மக்கள்
• ஜெகாய் மக்கள்
• கென்சியூ மக்கள்
• கானாக் மக்கள்