நாயகி (இராகம்)

நாயகி இருபத்தோராவது மேளகர்த்தா இராகமும், "வேத" என்று அழைக்கப்படும் நான்காவது சக்கரத்தின் நான்காவது இராகமுமாகிய கரகரப்பிரியாவின் ஜன்னிய இராகம் ஆகும்.

இலக்கணம்

இந்த இராகத்தில் சட்சம் (ச), சதுச்ருதி ரிசபம் (ரி₂)சுத்த மத்திமம் (ம₁), பஞ்சமம் (ப), சதுச்ருதி தைவதம் (த₂), கைசிக நிசாதம் (நி₂), சாதாரண காந்தாரம் (க₂) ஆகிய சுரங்கள் வருகின்றன. இதன் ஆரோகண அவரோகணங்கள் பின்வருமாறு^[1]:

ஆரோகணம்:	ச ரி2 ம1 ப த2 நி2,த2 ப ச்
அவரோகணம்:	ச் த2 நி2,த2 ப ம1 ரி2 க2 ,ரி2 ச

இந்த இராகத்தில் எல்லாச் சுரங்களும் முழுமையாக அமையாததால் இது "வர்ஜ" இராகம் எனப்படும். இதன் ஆரோகணத்தில் 6 சுரங்களும் அவரோகணத்தில் 7 சுரங்களும் உள்ளன. இதனால் இது "சாடவ சம்பூரண" இராகம் எனப்படுகின்றது. இதன் ஆரோகணத்தில் பஞ்சமம், தைவதம் என்பனவும், அவரோகணத்தில் தைவதம், காந்தாரம் என்பனவும் ஒழுங்குமாறி வருவதால் இது ஒரு வக்கிர இராகம் ஆகும்.