நிக்கோல் பெர்ல்மன்

நிக்கோல் பெர்ல்மன் (ஆங்கிலம்: Nicole Perlman) (பிறப்பு: திசம்பர் 10, 1981) என்பவர் அமெரிக்க நாட்டு திரைக்கதை ஆசிரியர் ஆவார். மார்வெல் திரைப் பிரபஞ்சப் படங்களான கார்டியன்ஸ் ஆப் தி கேலக்ஸி^[2] (2014) மற்றும் கேப்டன் மார்வெல்^[3] (2019) போன்ற படங்களில் திரைக்கதை எழுத்தாளராக பணியாற்றியதன் மூலம் மிகவும் பிரபலமானார்.

நிக்கோல் பெர்ல்மன்
பிறப்பு	திசம்பர் 10, 1981 (1981-12-10) (அகவை 43)[1] போல்டர், கொலராடோ, ஐக்கிய அமெரிக்கா
படித்த கல்வி நிறுவனங்கள்	நியூயார்க் பல்கலைக்கழகம்
பணி	திரைக்கதை ஆசிரியர்
செயற்பாட்டுக் காலம்	2009–இன்று வரை

ஆரம்ப கால வாழ்க்கை

பெர்ல்மேன் 10 திசம்பர் 1981 இல் கொலராடோ போல்டரில் ஒரு யூத^[4][5] குடும்பத்தில் பென்னி மற்றும் மைக்கேல் பெர்ல்மன் ஆகியோருக்கு மகளாக பிறந்தார். இவர் போல்டரில் வளர்ந்து,^[6] அங்கு உள்ள போல்டர் உயர்நிலைப் பள்ளியில் கல்வி பயின்றார். அதன் பிறகு நியூயார்க் பல்கலைக்கழகத்தில் கலை திரைப்படம் மற்றும் நாடகம் சார்ந்த படிப்பை படித்து 2003 இல் பட்டம் பெற்றார்.^[7]

திரைப்படம்

ஆண்டு	தலைப்பு	எழுத்தாளர்	தயாரிப்பாளர்	குறிப்புகள்
2011	தோர்	ஆலோசகர்	இல்லை	அங்கீகரிக்கப்படாதது
2014	கார்டியன்ஸ் ஆப் தி கேலக்ஸி	ஆம்	இல்லை	ஜேம்ஸ் கன் என்பவருடன் இணை எழுத்தாளராக
2017	ரைசிங் அ ருக்ஸ்	ஆம்	Executive	குறும்படம்
2018	தி ஸ்லொவ்ஸ்	ஆம்	இல்லை	குறும்படம்; இயக்குநர்[8]
2019	கேப்டன் மார்வெல்	கதை	இல்லை	இணை கதை ஆசிரியராக
	போகிமொன் டிடெக்ட்டிவ் பிகாச்சு	கதை	இல்லை	இணை கதை ஆசிரியராக