மகரம் மயங்கா னகரத் தொடர்மொழி

மகரம் என்னும் சொல் 'ம்' என்னும் மெய்யழுத்தைக் குறிக்கும். மொழியின் ^[1] இறுதியில் வரும் மகரம் னகர எழுத்தாக மயங்கி வரும்.

எடுத்துக்காட்டு - அறம் செய்யான் அறன் அழீஇ, அறன் வலியுறுத்தல், புறனடை - என்பன மயங்கி வந்தன.
இப்படி மயங்காமல் வரும் னகரத் தொடர்மொழிகள் ஒன்பது எனத் தொல்காப்பியம் வரையறுத்துக் கூறுகிறது. ^[2]
இவற்றிற்கு எடுத்துக்காட்டாக உரையாசிரியர் தரும் சொற்கள் இவை.

அழன் ^[3], எகின் ^{[4] [5]}, குயின் ^[6], செகின் ^[7] பயின் ^[8], புழன் ^[9], விழன் ^[10], கடான் ^{[11] [12]}, வயான் ^[13] - இவை இளம்பூரணர் தரும் எடுத்துக்காட்டுகள்.

எகின், செகின், விழன், பயின், குயின், அழன், புழன், கடான், வயான் - ஆகியவை ன்-ம் மயங்காத சொற்களுக்கு நச்சினார்க்கினியார் தரும் எடுத்துக்காட்டுகள். ^[14]