பாலின இயக்க ஊக்கி

பாலின இயக்க ஊக்கி (Sex steroids) அல்லது பாலக இசைம இயக்க ஊக்கி (gonadal steroids) என்பவை முதுகெலும்பிகளின் ஆண்பால் இயக்குநீர் அல்லது பெண்பால் இயக்குநீர் புரத வாங்கியுடன் வினைபுரியும் இயக்கக இயக்குநீராகும்.^[1] இவற்றின் தாக்கங்கள் அணுக்கருவ வாங்கிகள் மூலமாக மெதுவான பாலக இசைம அமைப்புகளாலோ சவ்வுசார் வாங்கிகள் மற்றும் சமிக்ஞை கடத்துகைகள் மூலமாக விரைவான பாலக இசைமமல்லாத அமைப்புகளாலோ தூண்டப்படுகின்றன.^[2] பாலின இயக்குநீர் என்பது பெரும்பாலும் பாலின இயக்க ஊக்கிக்கு இணையாகவே பயன்படுத்தப்படுகின்றது. பால்வினைசார் வினைகளில் இயக்க ஊக்கியல்லாத இயக்குநீர்களான லூட்டினைசிங் இயக்குநீர், கருமுட்டை தூண்டும் இயக்குநீர், கருவகவூக்கி வெளியிடு இயக்குநீர் போன்றவை முதன்மை பங்கேற்றாலும் வழமையாக இவை பாலின இயக்குநீராகக் கருதப்படுவதில்லை.