பாலின முனைவாக்கம்

பாலின முனைவாக்கம் (Gender polarization) எனும் சமூகவியல் கருத்தினம் (அமெரிக்க உளவியலாளர் சாந்திரா பேம் கூறியது) சமூகங்கள் பெண்மையையும் ஆண்மையையும் எதிர்நிலை முனைப் பாலினங்களாக வரையறுக்க முயல்கின்றன எனக் கூறுகிறது; இந்த ஆண் ஏற்பு நடத்தைகளையும் மனப்பான்மைகளையும் பெண்களுக்கு உகந்தனவல்ல என்றும் அதேபோல, பெண் ஏற்பு நடத்தைகளையும் மனப்பான்மைகளையும் ஆண்களுக்கு உகந்தனவல்ல என்றும் இது கருதுகிறது.^[1][2] இந்தக் கோட்பாடு பால், பாலின வேறுபாடு எனும் சமூகவியல் கருத்தினத்தின் விரிவாக்கம் ஆகும். பின்னதில் பால் என்பது ஆண்களுக்கும் பெண்களுக்கும் இடையில் பிறப்புவழி அமையும் உயிரியலான வேற்பாட்டைச் சுட்டும்; அதேபோல பாலினம் என்பது அவர்களுக்கிடையில் உள்ள பண்பாட்டு வேறுபாட்டைச் சுட்டும்; குறிப்பாக பாலினம் என்பது " ஆண்களுக்கும் பெண்களுக்கும் ஒரு சமூகம் உகந்ததெனக் கருதும் நடத்தைகள், செயல்பாடுகள், மனப்பான்மைகள் சமூகப் புனைவுகளின் கணத்தைச் சுட்டி" விளக்குகிறது.^[3] பேம் கூற்றுப்படி, பாலின முனைவாக்கம் இயற்கை பாலுணர்வு வேறுபாடுகள் பண்பாட்டில் உயர்வுநவிற்சி ஆகும்போது தொடங்குகிறது; எடுத்துகாட்டாக, பெண்கள் ஆண்களை விட கூடுதலான முடியைப் பெற்ருள்ள;^[4]ஆண்கள் பெண்களை விட கூடுதலான தசை வலிமையைப் பெற்றுள்ளனர்; ஆனால், இந்தப் புறநிலை வேறுபாடுகள் பண்பாட்டில் மிகைப்படுத்தப்படும்போது பெண்கள் செயற்கையாக த்ம் முகம், கால், அக்குள் மயிரை நீக்குகின்றனர்; ஆண்கள் தம் தசை வலிமையைக் கூட்ட, உடற்பயிற்சி செய்கின்றனர்.^[5]

ஆண் இயற்கூறுகள்	பெண் இயற்கூறுகள்
அறிவார்ந்தன	உணர்வு சார்ந்தன
முனைவானவை	முடங்கியவை
ஓங்கலானவை	அடங்கியவை
ஏற்கத்தகுந்தவை	ஊற்றமானவை
தனித்தன்மையன	வளர்தகவின
Source: Christine Monnier in Global Sociology[1]

ஆண் சிறுவர் பொம்மைச் சரக்குந்துப் பெட்டிகளுடன் விளையாட ஊக்கமூட்டப்படுகின்றனர்...

...பெண் சிறுமியர் பொம்மைகளுடன் விளையாட ஊக்கமூட்டப்படுகின்றனர் .

அவர் குறிப்பிட்ட பண்பாடு " பாலின வேறுபாடுகளை அவற்றின் இயல்பான இருப்புநிலைக்கு மாறாக ஒன்றுக்கொன்று மிகவும் வேறுபட்டிருக்கும்படி புனையும்போது", குறிப்பாக, ஆண்களுக்கும் பெண்களுக்கும் தனியான குறிப்பிட்ட முடியழகு வகைகளை வரன்முறைப்படுத்தும்போதும் அல்லது ஆண்களுக்கும் பெண்களுக்கும் தனியான உடைவகைகளை வரன்முறைப்படுத்தும்போதும் பாலின முனைவாக்கம் மேலும் கூடுகிறது என விளக்குகிறார்.^[5] When genders become polarized, according to the theory, there is no overlap, no shared behaviors or attitudes between men and women; rather, they are distinctly opposite.^[1] அவர் வேறுபாடுகள் மேலும் அனைத்துக் கலங்களிலும் விரிவடையும்போது, அதாவது முடியழகு, உடைவகை மட்டுமல்லாமல் உணர்ச்சி, பாலுணர்வுப் பட்டறிவு என நிலவும் அனைத்து மாந்தக் கூறுபாடுகளிலும் பரவும்போது பாலின விரிவாக்கம் மேலும் கூர்மையடைகிறது என்று வாதிடுகிறார்.^[6] அவர் மேலும் கூறுகிறார்: சமூகம் சார்ந்த பல்வேறு கூறுபாடுகளிலும் ஆண்-பெண் வேறுபாடுகள் மேற்படிதலால் மாந்தப் பட்டறிவு சார்ந்த அனைத்துக் கூறுபாடுகளிலும் இந்தப் பண்பாட்டு அழுத்தம் இறுகி வலைமையடைகிறது".^[7]

பேம் பாலின முனைவாக்கம் எனும் ஆளுகைசார் நெறிமுறை ஊடாக பல அடிப்படையான சமூக நிறுவனங்கள் கட்டியமைக்கப்படுவதாகக் காண்கிறார். ^[8] எடுத்துகாட்டாக, பாலின முனைவாக்கத்தை அடிப்படையாகக் கொண்ட விதிகள் சட்ட விதிமுறைத் தொகுப்புகளாக இயற்றப்பட்டுள்ளன.^[8] மிக அண்மையில் மேற்கத்திய சமூகத்தில்,ஐந்தச் சட்ட விதிமுறைகள் பெண்களை வாக்குச் சீட்டு போடவும் அரசியல் பதவிகளை ஏற்கவும் பள்ளி செல்லவும் சொத்து வாங்கவும் படைசார் பதவிகள் வகிக்கவும் சிஅ தொழில்களில் இணையவும் குறிப்பிட்ட விளையாட்டுகளில் பங்கேற்கவும் தவிர்க்கின்றன.^[8]எடுத்துகாட்டாக, 1896 ஆம் ஆண்டைய கோடை ஒலிம்பிக் விளையாட்டு ஆடவர் மட்டும் கலந்துகொள்லும் நிகழ்ச்சியாக அமைந்தது; அதில் பெண்கள் விலக்கி வைக்கப்பட்டனர். இதைப் பாலின முனைவாக்கத்துக்கான முதன்மையான சான்றாக இனங்காணலாம்.^[8] மேலும் இச்சொல், இலக்கியக் கோட்பாட்டிலும் பயனபடுகிறது.^[9]

இசுகாட் கோல்திரேனும் மீழ்சல் ஆடம்சும் பாலின முனைவாக்கம் இளமையிலேயே தொடங்கிவிடுகிறது எனக் கூறுகின்றனர். இளமையில் பெண்குழந்தைகளை வெளிர்சிவப்பு நிறத்தை நீலத்துக்குப் பதிலாக தேர்வு செய்யவும் ஆண்குழ்ந்தைகளைப் பொம்மைகளுக்குப் பதிலாக பொம்மை சரக்குந்தின் பெட்டிகளோடு விளையாடவும் ஊக்குவிக்கிறோம். இதெஎ போல பலவழிகளில் ஆண்-பெண் வேறுபாட்டைக் குழந்தைகளுக்கு அறிமுகப் படுத்துகிறோம்.^[10]குழந்தைகள் பாலின நடத்தையைப் பிறரைப் பார்த்தும் எதைச் செய்யலாம், எதைச் செய்யக் கூடாது எனும் பயிற்றுதலாலும் கற்றுக் கொள்கின்றனர் என எலிசபெத் இலிண்டுசேவும் வல்டேர் சகாகியும் கூறுகின்றனர்.^[11]பேம் பாலின முனைவாக்கம் ஆண்களுக்கும் பெண்களுக்கும் வேறுபட்ட ஒன்றையொன்று தவிர்த்த ஒழுங்குமுறைகளைக் கற்பிக்கிறது என வாதிடுகிறார்.^[8]

இந்த ஒழுங்குமுறைகள் தனியர் வளர்ச்சியில் காத்திரமான பங்களிப்பைச் செலுத்துகின்றன;^[8][12] பேம் கடந்த கால முனைவாக்கம் பெண்களை வீட்டுப் பணிகளில் முடக்கின; ஆண்கள் பொதுவெளியில் தொழில்புரிவோராக உலா வந்தனர் என் வாதிடுகிறார்.^[13] உணர்ச்சி வெளிப்படுத்துவதிலும் ஆண், பெண் பாத்திரங்களுக்கு உகந்தவற்றை வரையறுப்பதிலும் பண்பாடுகள் கணிசமான அளவில் வேறுபடுகின்றன.^[14]

மேலும் காண்க

• பாலின இருமை
• பாலினப் பாகுபாடு
• பாலின அடையாளம்
• பாலினப் பாத்திரம்
• கலப்புப் பாலுணர்வு