மட்டியாரி மாவட்டம்

மட்டியாரி மாவட்டம் (Matiari District) (Sindhi: ضِلعو مٽیاري) தெற்காசியாவின் பாகிஸ்தான் நாட்டின் சிந்து மாகாணத்தின் ஐதராபாத் கோட்டத்தின் ஆறு மாவட்டங்களில் ஒன்றாகும். இம்மாவட்டத் தலைமையிடம் மட்டியாரி நகரம் ஆகும். இம்மாவட்டம் 2005-ஆம் ஆண்டில் ஐதராபாத் மாவட்டத்தின் மூன்று தாலுக்காக்களைக் கொண்டு துவக்கப்பட்டது.^[2]

மட்டியாரி மாவட்டம் ضِلعو مٽیاري
மாவட்டம்
சிந்து மாகாணத்தில் மட்டியாரி மாவட்டத்தின் அமைவிடம்
நாடு	பாகிஸ்தான்
மாகாணம்	சிந்து மாகாணம்
நிறுவிய ஆண்டு	2005
தலைமையிடம்	மட்டியாரி நகரம்
பரப்பளவு
• மொத்தம்	1,417 km2 (547 sq mi)
மக்கள்தொகை  (2011est.)[1]
• மொத்தம்	7,38,322
நேர வலயம்	ஒசநே+5 (பாக்கிஸ்தான் சீர் நேரம்)
தாலுக்காக்கள்	3
இணையதளம்	http://www.matiari.net/

பெயர்க் காரணம்

குளிர்ந்த நீருக்கு பயன்படும் பானை செய்வதற்கு தேவையான களிமண், நீர் மற்றும் குயவர் ஆகியவற்றை குறிக்க மட் - யாரி எனும் இரண்டு சொல்லின் சேர்கையே மட்டியாரி ஆகும்.

மாவட்ட நிர்வாகம்

1,417 சதுர கிலோ மீட்டர் பரப்பளவு கொண்ட மட்டியாரி மாவட்டம் ஹலா, மட்டியாரி மற்றும் சகீதாபாத் என மூன்று வருவாய் வட்டங்களாகப் பிரிக்கப்பட்டுள்ளது.^[3]

மக்கள் தொகையியல்

2011-ஆம் ஆண்டின் மக்கள் தொகை மதிப்பீட்டின் படி, மட்டியாரி மாவட்டத்தின் மக்கள் தொகை 7,38,322 ஆகும். 1998-ஆம் ஆண்டின் மக்கள் தொகை கணக்கெடுப்பின் படி, இம்மாவட்டத்தில் சிந்தி மொழியை 91.75% மக்களும், 3.61% மக்கள் உருது மொழியையும் பேசினர். பிறர் பஞ்சாபி மொழி, பலூச்சி மொழி, சிராய்கி மொழி, மார்வாரி மொழிகளையும் பேசினர்.