ரகுப்பிரியா

ரகுப்பிரியா கருநாடக இசையின் 42ஆவது மேளகர்த்தா இராகமாகும். முத்துசுவாமி தீட்சிதர் பாரம்பரியத்தில் 42ஆவது இராகத்திற்கு ரவிகிரியா என்ற பெயர்.^[1][2][3]

இலக்கணம்

ரகுப்பிரியா சுரங்கள் C யிலிருந்து தொடக்கம்

ஆரோகணம்:	ஸ ரி1 க1 ம2 ப த3 நி3 ஸ்
அவரோகணம்:	ஸ் நி3 த3 ப ம2 க1 ரி1 ஸ

• ரிஷி என்றழைக்கப்படும் 7ஆவது வட்டத்தில் (சக்கரத்தில்) 6 ஆவது மேளம்.
• இந்த இராகத்தில் வரும் சுரங்கள்: ஸட்ஜம், சுத்த ரிஷபம்(ரி₁), சுத்த காந்தாரம்(க₁), பிரதி மத்திமம்(ம₂), பஞ்சமம், ஷட்சுருதி தைவதம்(த₃), காகலி நிஷாதம்(நி₃) ஆகியவை.
• இது ஒரு விவாதி மேளம்.
• இதன் மத்திமத்தை சுத்த மத்திமாக மாற்றினால் இராகம் தானரூபி (06) ஆகும்.
• கிரக பேதத்தின் வழியாக எந்த மேளகர்த்தா இராகமும் தோற்றுவிக்காது (மூர்ச்சனாகாரக மேளம் அல்ல).

உருப்படிகள்

வகை	உருப்படி	இயற்றியவர்	தாளம்
கிருதி	ஹிமகிரி குமாரி	முத்துசுவாமி தீட்சிதர்	ஆதி
கிருதி	சதானந்த	கோடீஸ்வர ஐயர்	ரூபகம்