ராம் நாராயண்

இராம் நாராயண் (25 திசம்பர் 1927 – 9 நவம்பர் 2024) பண்டிட் இராம் நாராயண் என அறியப்படுபவர். சாரங்கி இசைக்கருவியில் புகழ்பெற்ற இந்துஸ்தானி இசைக்கலைஞராவார். சாரங்கியை பக்கவாத்தியமாக கருதிவந்த இசைப்பிரியர்களிடம் அதற்கான முதன்மை நிலையை நாட்டியதில் இவரது பங்கு சிறப்பானது ஆகும். புகழ்பெற்ற தபலா இசைக்கருவி கலைஞர் பண்டிட் சதுர்லாலின் தமையனாவார்.^[2][3][4]

இராம் நாராயண் Ram Narayan
2010 இல் நாராயண்
பின்னணித் தகவல்கள்
பிறப்பு	(1927-12-25)25 திசம்பர் 1927 மேவார், பிரித்தானிய இந்தியா
இறப்பு	9 நவம்பர் 2024(2024-11-09) (அகவை 96)
இசை வடிவங்கள்	இந்துத்தானி இசை
இசைக்கருவி(கள்)	சாரங்கி
இசைத்துறையில்	1944–2013[1]
இணைந்த செயற்பாடுகள்	அப்துல் வாகித் கான், அருணா நாராயண், பிரிஜ் நாராயண், சதுர் லால், சுரேஷ்

இவரது சீரிய இசையைப் பாராட்டுமுகமாக 2005இல் நாட்டின் இரண்டாவது உயரிய குடிமை விருதான பத்ம விபூசண் வழங்கப்பட்டது.

வாழ்க்கைக் குறிப்பு

இராசத்தான் மாநில உதய்பூர் நகரில் இசைக் குடும்பத்தில் பண்டிட் நாதுஜி பியாவத்திற்கு மகனாகப் பிறந்தார். இவரது தந்தையார் தில்ரூபா இசைக்கருவி வாசிப்பதில் சிறந்து விளங்கினார். தமது ஏழாம் அகவையிலிருந்து உஸ்தாத் மெகபூப் கான்,பண்டிட் உதய்லால்,பண்டிட் மாதவ பிரசாத், உஸ்தாத் அப்துல் வாகீத் கான் ஆகியோரிடம் சாரங்கி இசைக்க பயின்றார்.