வசந்தா வைத்தியநாதன்

வசந்தா வைத்தியநாதன் (1937 - மார்ச் 14, 2018) இலங்கையில் நன்கு அறியப்பட்ட சைவவித்தகர். இவர் வானொலியூடாகவும் பிரசங்கங்கள் செய்தவர். ஆலயத் திருவிழாக்களின் நேரடி வானொலி வர்ணனைகளிலும் பங்குபற்றியவர். ஈழத்துச் சிவாலயங்கள் நூலில் நூலாசிரியராகப் பணியாற்றியவர்.^[1][2]

வசந்தா வைத்தியநாதன்
பிறப்பு	1937 மயிலாடுதுறை, தமிழ்நாடு, இந்தியா
இறப்பு	14 மார்ச்சு 2018 கொழும்பு, இலங்கை
பணி	சைவவித்தகர், வானொலி வர்ணனையாளர்
அறியப்படுவது	சைவவித்தகர்

வசந்தா வைத்தியநாதன் தமிழ்நாடு, மயிலாடுதுறையில் பிறந்தவர். யாழ்ப்பாணம், நீர்வேலியைச் சேர்ந்த எஸ். வைத்தியநாதசர்மா என்பவரைத் திருமணம் புரிந்தார்.^[3]

மறைவு

வசந்தா வைத்தியநாதன் 2018 மார்ச் 14 அன்று காலையில் தனது 80வது அகவையில் கொழும்பில் உள்ள மருத்துவமனை ஒன்றில் காலமானார்.^[4][5]