இலங்கையில் பாடசாலைகள்
விக்கிப்பீடியா:பட்டியலிடல் / From Wikipedia, the free encyclopedia
இலங்கையில் இரு முக்கிய பிரிவுகளில் பாடசாலைகள் இயங்குகின்றன. அரசுசார், அரசு சார்பற்ற பாடசாலைகளே அவை. பெரும்பாலும் இப்பாடசாலைகளில் முதல், இரண்டாம் நிலைக் கல்வியே போதிக்கப்படுகின்றது.
இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. |
அரச பாடசாலைகள் தேசிய பாடசாலைகள் மற்றும் மாகாணப் பாடசாலைகள் எனும் இருவேறு பிரிவுகளை உரியன. முன்னர் இவை நடுவண் அரசின் கீழியங்கிய கல்வியமைச்சினாலேயே நிருவாகிக்கப்பட்டன. ஆயினும் தற்போது பெரும்பான்மை சிங்கள, தமிழ்ப் பாடசாலைகளும் சிறுபான்மை ஆங்கில மொழிமூலப் பாடசாலைகளும் மாகாண சபை ஆளுமையின் கீழ் இயங்குகின்றன. அத்துடன் கல்வியமைச்சு - மாகாணம் - மாவட்டம் - வலயம் - கோட்டம் - பாடசாலை என்ற அடிப்படையில் நிர்வாகக் கட்டமைப்புக்கள் ஒழுங்கமைக்கப்பட்டுள்ளது.
அரசு சார்பற்ற பாடசாலைகளும் இருவேறு பிரிவுகளைக் கொண்டியங்குகின்றன. அவையாவன, தனியார் பாடசாலைகள் மற்றும் பன்னாட்டுப் பாடசாலைகள். தனியார் பாடசாலைகள் அரசின் நேரடிக் கண்காணிப்பில் இல்லாதபோதும், அவற்றுக்கான சட்ட திட்டங்கள் கல்வியமைச்சினால் பெறப்பட வேண்டும் என்பது நியதி.
பெரும்பான்மை பன்னாட்டுப் பாடசாலைகள் வெளிநாட்டு பாடத்திட்டத்தைப் பின்பற்றுகின்ற போதும், சிறுபான்மை தனியார் பாடசாலைகள் அரச மற்றும் வெளிநாட்டுப் பாடத்திட்டத்தின்படி தமது பாடத்திட்டத்திட்டத்தினை ஒழுங்கமைத்துள்ளன.