போரோசிலிக்கேட் கண்ணாடி
From Wikipedia, the free encyclopedia
போரோசிலிக்கேட் கண்ணாடி என்பது சிலிக்கா, போரான் ஒட்சைட்டு ஆகியவற்றை முதன்மைக் கண்ணாடி உருவாக்கச் சேர்பொருளாகக் கொண்டுள்ள ஒருவகைக் கண்ணாடி ஆகும். போரோசிலிக்கேட் கண்ணாடிகள் மிகக் குறைந்த வெப்ப விரிவுக் குணகம் கொண்டது. இதனால் பிற கண்ணாடி வகைகளை விடக் கூடுதலான வெப்ப அதிர்ச்சியைத் தாங்கும் தன்மை இதற்கு உண்டு. இவ்வகைக் கண்ணாடிகள் குறைவான வெப்பத் தகைப்புக்களுக்கு உட்படுபவை.