అవినీతికి గాను నిషేధం విధించిన క్రికెటర్ల జాబితా
From Wikipedia, the free encyclopedia
క్రికెట్లో ఆట నియమాలనూ, చట్టాన్నీ ఉల్లంఘిస్తూ, పూర్తిగా గాని, పాక్షికంగా గానీ ఫలితాన్ని ముందుగానే నిర్ణయించుకుని అది సాధించేలా ఆడడాన్ని మ్యాచ్ ఫిక్సింగ్ అంటారు. ప్రత్యేకించి, పూర్తి మ్యాచ్లు గానీ, మ్యాచ్లో టాస్ వంటి వివిధ అంశాలను గానీ కావాలని ఓడిపోయేందుకు, ముందే అనుకున్న విధంగా నిర్ణయాలు తీసుకునేందుకు గానీ, లేదా ఇతర ముఖ్యమైన సమాచారాన్ని అందించడానికి గానీ, బుక్మేకర్లు ఆటగాళ్ళను సంప్రదించి లంచం ఇస్తారు. టెస్టు మ్యాచ్లు, వన్ డే ఇంటర్నేషనల్లతో సహా అంతర్జాతీయ క్రికెట్లో మ్యాచ్ ఫిక్సింగ్ జరిగింది. నిషేధాలను అంతర్జాతీయ క్రికెట్ కౌన్సిల్ (ICC), క్రీడల పాలక మండలి లేదా ఆటగాడికి చెందిన సంబంధిత క్రికెట్ బోర్డు(లు) విధిస్తాయి. నిషేధం మ్యాచ్ ఫిక్సింగ్ కోసం కావచ్చు, లేదా స్పాట్ ఫిక్సింగ్ కోసమైనా కావచ్చు. ఈ రెండూ ఐసిసి క్రికెట్ ప్రవర్తనా నియమావళి ప్రకారం నిషేధించబడిన దుష్ప్రవర్తనలే.