కడుపులో పుండు
From Wikipedia, the free encyclopedia
మన శరీరం మీద పుండ్లు (Ulcers) పడినట్లు, కడుపులో కూడా పలుచోట్ల పుండ్లు పడే అవకాశం ఉంది. జీర్ణాశయంలో, అన్నవాహికలో, చిన్నపేగులో, పెద్దపేగులో మన జీర్ణ వ్యవస్థ అంతటా కూడా పుండ్లు రావచ్చును. వీటన్నింటిని కలిపి కడుపులో పుండ్లుగా పరిగణించవచ్చు. వీటిలో జీర్ణాశయంలో ఉత్పత్తి అయే జీర్ణరసంలోని ఉదజహరికామ్లం, పెప్సిన్ లచే శ్లేష్మపుపొర జీర్ణమగుట వలన కలిగే పండ్లు జీర్ణవ్రణములు (పెప్టిక్ అల్సర్స్). మన జీర్ణ వ్యవస్థ అంతటా కూడా లోపల రక్షణగా సున్నితమైన శ్లేష్మపుపొర (Mucous membrane) ఉంటుంది. రకరకాల కారణాల వల్ల ఈ శ్లేష్మపుపొర దెబ్బతింటే పుండ్లు పడతాయి.