గ్రెటా థన్ బర్గ్
స్వీడిష్ వాతారణ పరిరక్షక కార్యకర్త / From Wikipedia, the free encyclopedia
గ్రెటా థన్ బర్గ్ ( 2003 జనవరి 3) స్వీడన్కి చెందిన పర్యావరణ కార్యకర్త. ఈమె పాఠశాలలో చదువుతున్నప్పుడే పర్యావరణంలో ఏర్పడుతున్న పెనుమార్పుల గురించి ప్రపంచ వ్యాప్తంగా ఉన్న నాయకులను సవాలు చేసింది. 2018 ఆగస్టులో, 15 ఏళ్ల వయస్సులో, శీతోష్ణ స్థితి కోసం పాఠశాల నిరసన (స్కూల్ స్ట్రైక్ ఫర్ క్లైమేట్) అనే పలక(బోర్డు)ను పట్టుకుని వాతావరణ మార్పుల తీవ్రత తగ్గించడంకోసం బలమైన చర్య తీసుకోవాలని పిలుపునిచ్చేందుకు ఆమె ప్రతి శుక్రవారం పాఠశాలకు వెళ్లకుండా స్వీడిష్ పార్లమెంట్ వెలుపల నిరసన వ్యక్తం చేయడం ప్రారంభించింది. ఈమె పర్యావరణ 'భవిత కోసం శుక్రవారం' (Fridays for Future) పేరుతో ఈ పోరాటం చేస్తున్నది. గతేడాది స్వీడన్ పార్లమెంట్ ముందు ఒంటరిగా ధర్నాకు దిగి సంచలనం సృష్టించింది. గ్రెటాకి మద్దతుగా పలు దేశాల్లోని పాఠశాలల పిల్లలు పోరాడుతున్నారు. ఇప్పటికే అనేక అంతర్జాతీయ వేదికల మీద గ్రెటా ప్రసంగిస్తోంది. పర్యావరణంపై ఐక్యరాజ్యసమితి వేదిక మీదుగా గళం విప్పిన గ్రెటా ఇప్పుడొక సంచలనం అయ్యింది.[1][2]