జీనో
From Wikipedia, the free encyclopedia
జీనో సోక్రటిస్ పూర్వ కాలానికి చెందిన ఒక ప్రసిద్ధ గ్రీకు తత్వవేత్త. జీనో అఫ్ ఎలియా గా పిలవబడ్డ ఇతను క్రీ.పూ. 490-430 సంవత్సరాల మధ్య జీవించాడు.[1] దక్షిణ ఇటలీకు చెందిన ఎలియా నగరంలో నివసించేవాడు. స్థితివాది. ప్రసిద్ధ ఎలియా దార్శనికుడు అయిన పార్మెనిడిస్ యొక్క ముఖ్య శిష్యుడు, ప్రధాన సమర్ధకుడు. తన గురువు పార్మెనిడిస్ స్థాపించిన ఎలియా స్కూల్ కు ప్రతినిధి. తర్కశాస్త్రంలో వాదతర్కం (Dialectic) ను తొలిసారిగా ప్రవేశపెట్టినవానిగా జీనోను పరిగణిస్తారు.[2] గణితంలో అనంతం (infinity) భావనను చర్చించిన మొదటి తత్వవేత్త ఇతనే. చలనాన్ని అసాధ్యంగా పేర్కొంటూ, చలనంపై అతను లేవనెత్తిన నాలుగు విషయాలు జీనో విరోధాభాసలు (Paradoxes)గా చరిత్రలో ప్రసిద్ధి పొందాయి. బెర్ట్రాండ్ రస్సెల్ వంటి బ్రిటీష్ తాత్వికుడు ఇతనిని అపారమైన సూక్ష్మ, లోతైన ప్రజ్ఞాశీలిగా అభివర్ణించాడు.[3]
త్వరిత వాస్తవాలు జననం, మరణం ...
జననం | క్రీ.పూ. 495 ఎలియా |
---|---|
మరణం | క్రీ.పూ. 430 (సుమారు వయస్సు 65 సంవత్సరాలు) ఎలియా లేదా సిసిలీ లోని సైరక్యూస్ |
యుగం | సోక్రటీస్ పూర్వకాలానికి చెందిన ఫిలాసఫీ |
ప్రాంతం | పాశ్చాత్య తత్వశాస్త్రం |
తత్వ శాస్త్ర పాఠశాలలు | ఎలియాటిక్ స్కూల్ |
ప్రధాన అభిరుచులు | ఆది భౌతికశాస్త్రం (Metaphysics), సత్తా శాస్త్రం (Ontology) |
ప్రసిద్ధ ప్రసిద్ధ ఆలోచనలు | జీనో యొక్క పారడాక్స్ |
ప్రభావితులు
| |
ప్రభావితమైనవారు
|
మూసివేయి