మెక్సికన్-అమెరికన్ గాయని, గీత రచయిత్రి, నర్తకి, మోడల్, ఫాషన్ డిజైనర్, నటి మరియు నిర్మాత From Wikipedia, the free encyclopedia
సెలీనాగా పేరొందిన సెలీనా క్వింటనెల్లా పెరెజ్ (Selena Quintanilla-Pérez) (1971 ఏప్రిల్ 16– 1995 మార్చి 31) ఒక మెక్సికన్-అమెరికన్ గాయని, గీత రచయిత్రి, నర్తకి, మోడల్, ఫాషన్ డిజైనర్, నటి, నిర్మాత. ఆమె టెజానో సంగీత మహారాణిగా (ద క్వీన్ ఆఫ్ టెజానో మ్యూజిక్) ప్రజల మన్నన పొందింది.[1] టెక్సాస్ రాష్ట్రంలో అమెరికా స్థానిక తెగ అయిన చెరోకీ మూలాలున్న తండ్రికీ, మెక్సికన్-అమెరికన్ సంగీతకారుడైన తండ్రికి జన్మించిన ఆమె ఆరేళ్ళ వయసులోనే సంగీత ప్రతిభ చాటుకుని, పన్నెండవ ఏటనే తొలి ఆల్బం విడుదల చేసింది. 1987లో ప్రతిష్టాత్మక టేజానో పురస్కారాలు సాధించడంతో ప్రాచుర్యం సాధించింది. 1990 దశకంలో స్పానిష్ మాట్లాడే దేశాల్లో పేరు సంపాదించుకుంది. తన 23 ఏట ఆమె అభిమానుల సంఘం అధ్యక్షుడైన యోలాండా అనే వ్యక్తి కాల్చిచంపింది. మరణానంతరం ఆమె జన్మదినాన్ని సెలీనా డేగా గుర్తించి స్మారక కట్టడాలు నిర్మించారు. ఆమె జీవితాన్ని సినిమగానూ తీశారు.
సెలీనా | |
---|---|
జననం | సెలీనా క్వింటనిల్లా 1971 ఏప్రిల్ 16 |
మరణం | 1995 మార్చి 31 23) | (వయసు
మరణ కారణం | తుపాకీ కాల్పులు |
సమాధి స్థలం | సీసైడ్ మెమోరియల్ పార్క్ కార్పస్ క్రిస్టీ, టెక్సాస్ |
స్మారక చిహ్నం | మిరాడర్ దె లా ఫ్లోర్ |
ఇతర పేర్లు | సెలీనా క్వింటనిల్లా పెరేజ్ |
విద్యాసంస్థ | పసిఫిక్ వెస్టర్న్ యూనివర్శిటీ |
వృత్తి |
|
క్రియాశీల సంవత్సరాలు | 1982 | –1995
జీవిత భాగస్వామి | క్రిస్ పెరేజ్
(m. 1992) |
తల్లిదండ్రులు |
|
బంధువులు |
|
సంగీత ప్రస్థానం | |
సంగీత శైలి |
|
లేబుళ్ళు |
|
సంతకం | |
సెలీనా క్వింటనిల్లా 16 ఏప్రిల్ 1971న అమెరికాలోని టెక్సాస్ రాష్ట్రంలో లేక్ జాక్సన్ పట్టణంలో జన్మించింది.[2] ఆమె తల్లి మార్సెల్లా సమోరా అమెరికాలోని ఆగ్నేయ ప్రాంతానికి చెందిన స్థానిక తెగ అయిన చెరోకీ మూలాలున్నది.[3] తండ్రి అబ్రహాం క్వింటనిల్లా ఒక మెక్సికన్ అమెరికన్, అతను సంగీతకారునిగా పనిచేసినవాడు.[4]
ఆరేళ్ళ వయసులో ఉండగానే సంగీతంలో ఆమెకున్న ప్రతిభ, సామర్థ్యం బయటపడ్డాయి.[5] సెలీనా తన 12వ యేటనే మొదటి ఆల్బమ్ విడుదల చేసింది.[6] 1987లో టేజానో సంగీత అవార్డుల సందర్భంగా ఉత్తమ గాయని పురస్కారం పొందింది. ఇది మొదలు వరుసగా 9 సంవత్సరాల పాటు ఆమె ఈ అవార్డు సాధించింది.[7] ఇఎంఐ కంపెనీతో రికార్డుల కంట్రాక్టు చేజిక్కించుకొంది. 1990 దశకంలో ఆమె ప్రసిద్ధురాలైంది. ప్రత్యేకంగా స్పానిష్ భాష మాట్లాడే దేశాలలో చాలా పేరు పొందింది.
తన 23వ యేటనే సెలీనా హత్య చేయబడింది. సెలీనా అభిమానుల క్లబ్ ప్రెసిడెంట్ అయిన యోలాండా సాల్డివార్ (Yolanda Saldívar) అనే వ్యక్తి ఆమెను హత్య చేసింది. సాల్డివార్ ను సెలీనా బొటిక్స్ కు మేనేజరుగా నియమించిన కొన్నాళ్ళకు ఆమె అవినీతి బయటపడడంతో సెలీనా ఉద్యోగంలోంచి తొలగించింది. ఈ విషయం మీద కక్ష కట్టిన యోలాండా సెలీనాను హత్యచేసింది.[8] ఆమె మరణించిన రెండు వారాలలోనే ఆమె పుట్టిన రోజును "సెలీనా డే"గా అప్పటి టెక్సాస్ గవర్నర్ జార్జి బుష్ ప్రకటించాడు.[9]
ఆమె జీవిత కథ ఆధారంగా "సెలీనా" అనే చిత్రం విడుదల అయ్యింది.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.